Расман: Xiaomi 13 Ultra глобал тақдимот санаси эълон қилинди!
Ўтган ҳафта Leica компанияси Xiaomi 13 Ultra шу ой тақдим қилинишини эълон қилганида Xiaomi'нинг ўзи ҳам буни тасдиқлаган, лекин аниқ тақдимот санасини эълон қилмаган эди. Ҳозиргина эса компания, ваниҳоят, бўлажак флагманнинг қачон тақдим қилишини расман очиқлади – миш-мишлар тасдиқланди, Xiaomi 13 Ultra расман 18 апрел куни бутун дунёга намойиш қилинади.
Ўзининг расмий Twitter саҳифасида Xiaomi "А Shot Above" номли Xiaomi 13 Ultra смартфони тақдимоти постерини жойлади. Улашилган тизер суратда сиз тақдимот санаси билан бирга Xiaomi 13 Ultra'нинг орқа камерасини қисман кўришингиз мумкин: юмалоқ камера ороли ичида тўртта сенсорлар жойлашган.
Ве cордиаллй инвите ёу то тҳе #Xiaomi13UltraЛаунчЕвент. Xiaomi анд @Leica_cамера, онcе агаин, аре брингинг ёу нев вондерс оф мобиле имагинг. 🟠📷🔴
— Xiaomi (@Xiaomi) Април 12, 2023
Марк ёур cалендарс фор #АШотАбове алл, Април 18тҳ ат 19:00 (ГМТ+8)! пиc.Twitter.cом/а8рЙ5ПГМФЖ
"Сизни Xiaomi 13 Ultra тақдимотига чин дилдан таклиф қиламиз. Xiaomi ва Leica, сизга яна бир бор мобил тасвирлашнинг янги мўжизаларини олиб келади.
18 апрел, соат 19:00 (GMT+8), "А Shot Above" тадбири учун календарларингизни белгиланг!"
Xiaomi 13 Ultra модели ўтган йили Хитойда, бир неча ой аввал эса MWC 2023 кўргазмасида глобал бозорга тақдим қилинган Xiaomi 13 сериясининг энг юқори модели бўлиб, у Snapdragon 8 Gen 2 билан жиҳозланади. Қолаверса, Xiaomi ўзининг бўлажак флагманида Leica'нинг Summicron линзаларидан фойдаланади. Ҳозирча техник хусусиятлар ҳақида унчалик кўп маълумотлар мавжуд эмас, лекин тақдимот санаси яқинлашар экан Xiaomi янги смартфон қобилятларини тизер қилишни бошлаши аниқ.
Xiaomi 13 Ultra Тошкент вақти билан 18 апрел куни 16:00 да тақдим қилинади.
