Бу йил "Xiaomi Redmi Note 5" модели бўлмайди!
Xiaomi компанияси мухлислари учун кеча кутилмаганда фавқулодда хабар маълум қилинди. Компанияга яқин манбанинг хабар беришича, Xiaomi бу йил Xiaomi Redmi Note 5 моделини ишлаб чиқармайди. Бу маълумот инсайдерлар томонидан тарқатилган бўлса ҳам, ҳозирча ҳақиқатга яқин экани кутилмоқда.
Ҳозирча расман маълум қилинмаган бўлса ҳам, Xiaomi айни пайтда Note туркумига мансуб ҳамёнбоп моделларидан воз кечиш режасида. Бренднинг Redmi туркумидаги гаджетлари 3 йилдан ошиқ вақтдан буён бутун жаҳонда фойдаланувчилар ўртасида жадал оммалашиб келмоқда. Улар орасида "Redmi Note" энг яхши сотилган модел ҳисобланади.
Бренд Xiaomi Redmi Note 5'нинг ўрнига бу йилдан Xiaomi Redmi 5 Plus моделини ишлаб чиқаради. Бир жиҳатни эслаб қолишга ҳаракат қилинг. Note қўшимчаси — бу бренднинг экрани 5,5 дюймдан катта бўлган смартфонларига нисбатан ишлатилади. Redmi қўшимчаси эса — бу смартфоннинг ҳамёнбоп эканини англатади.
Xiaomi Redmi 5 Plus 5,99 дюймли ва FullHD+ сиғимли экрани билан Note туркумидаги фаблет ўрнини боса олади. Унга Snapdragon 625 платформаси ўрнатилган. Девайснинг 2 хил хотирага эга талқини ишлаб чиқарилади: 3/32 Гб ҳамда 4/64 Гб. Шу билан бирга, батареясининг ток сиғими 4000 мА соат. Маълум қилинишича, тўлиқ қувват девайсга 2 кун ишлашига етади. Xiaomi Redmi 5 Plus'нинг стандарт (3/32 Гб) талқини $150 ҳамда 4/64 Гб версияси $196 доллардан сотувга чиқарилади.
Компания шу тахлит имкониятлари юқори гаджетини янада арзон нархда сотишни режа қилган.
