Рендер: Edge экранли ва айлана чақноқли Meizu Pro 7

Жорий йилнинг апрель ойида Хитойнинг Meizu компанияси Meizu Pro 6 моделини намойиш қилган эди. Смартфон энг кучли MediaTek процессори ва Cirrus Logic ЦАА чип-кодеки билан жиҳозланиб, ундан ташқи хотира картасига мўлжалланган слот олиб ташланган эди.

Яқинда Хитойдаги ижтимоий тармоқларда Meizu компаниясининг янги флагмани деб тахмин қилинаётган смартфоннинг суратлари пайдо бўлди. Бу ҳақда Mobiltelefon нашри берган хабарда айтилишича, суратларда акс этган Meizu Pro 7 флагманига Edge-экран ва айлана чақноқ билан ўралган камера ўрнатилиши мумкин.

Қизиғи смартфонда mBack тугмаси мавжуд эмас, унинг ўрнига қурилмада серсорли доира кўзда тутилган. Бироқ ҳозирча хулосалар билан шошмаган маъқул. Расмий хабарга кўра, Meizu Pro 7 кейинги йилда тақдим этилади, 30 ноябрда эса Pro 6 Plus моделининг тақдимоти ўтказилади.