USENET 2016 digital-конференцияси юзлаб интернет-мутахассисларни бирлаштиради
Ledokol Group, UZINFOCOM ва Beeline 20 апрель куни International Hotel Tashkent меҳмонхонасида бир неча мамлакатдан ташриф буюрган маърузачиларни бирлаштирадиган ҳалқаро USENET 2016 digital-конференциясига таклиф этишмоқда.
Воқеани шарҳлар экан, Ledokol Group директори Дилшод Музаффаров қуйидагиларни белгилади: “Ишонаманки узоқ танаффусдан сўнг USENET янги сифатли даражага ўтади. Муҳит ўзгарди, глобал бозорда ишлаётган ва ишлашга тайёр бўлган профессионалларнинг янги авлоди етишиб чиқди. Ўзбекистонлик қатор стартаплар ҳалқаро даражада тан олиндилар, ва мазкур позитив жараёнларга биз янги туртки бера оламиз деб ишонаман”.
Digital-конференциясининг юзлаб иштирокчилари учун Ўзбекистон, Озарбайжон, Қирғизистон ва Россиялик ўнлаб спикерлар икки кун мобайнида USENET‘нинг икки секцияси доирасида маърузалар ўқийдилар. Бўлғуси форумнинг тўлиқ дастурини қуйидаги ҳавола орқали кўриш мумкин http://usenet.uz/programma
Виктор Елисеэв, Dentsu Aegis Network Kazakhstan бошқарувчи директори: “Интернет нафақат ҳаридорнинг феъл-атворини ўзгартиради, балки бозорнинг янги қоидаларини ҳам жорий этади. Биз рақамли иқтисодиётнинг трансформация даврини бошдан кечирмоқдамиз, ва бу янада илҳомлантиради. Глобал тажриба ва локал перспективалар – digital-имкониятлар билан бир қаторда муваффақиятга эришишнинг энг яхши йўлидир. USENET конференцияси интернет-индустрия иштирокчилари учун айниқса муҳим ва керакли. Мазкур ташаббус Тошкентга бошқа мамлакатлардаги экспертларни жалб қилган ҳолда ҳар йиллик анъанага айланишига умид қиламан”.
Ўтган йиллардаги каби, конференцияни Ledokol Group компанияси ташкиллаштирди. Бош информацион ҳомий Россиядаги Mail.Ru Group компанияси бўлди, стратегик ҳамкор – UZINFOCOM ахборот технологияларини жорий қилиш ва ривожлантириш Маркази.
Воқеани шарҳлар экан, Unitel МЧЖ бош директори Дмитрий Шуков шундай деди: “Ўзбекистон телеком-соҳасининг етакчиси сифатида Beeline шунингдек ўзини яхши тавсия қилган USENET конференцияси каби энг олди ташаббусларни ривожлантиришга ўз ҳиссасини қўшади. Мамлакатимиз ва чет эл IT-соҳасининг етакчи экспертлари орасидаги мулоқот ва тажриба алмашиш учун яратилган майдонни қўллаб-қувватлаш имкони борлигидан мамнунмиз, бундан ташқари – республиканинг дигитал-экотизими барпо этилишида ўзимизнинг салмоқли ҳиссамизни қўшишни мўлжалламоқдамиз”.
Эслатиб ўтамиз, аввал USENET конференциялари Тошкентда 2011 ва 2012 йилларда ўтказилган. Интернетда бизнесни ривожлантириш, видеореклама, мессенжерлар, ижтимоий медиа, СММ, реклама бозорининг мониторинг ва ўлчовлари, электрон савдо, интернет-ОАВ ва муваффақиятли стартаплар USENET 2016 асосий мавзуларига айланади. Тафсилотлар – http://usenet.uz/ сайтида.
