VimpelCom’нинг Ўзбекистондаги лицензияси 2031 йилга қадар узайтирилди

VimpelCom Ltd. (NASDAQ:VIP), дунёнинг 14 мамлакатида мижозларга замонавий ва такомиллаштирилган рақамли ечимларни тақдим қилувчи халқаро телекоммуникацион ва технологик компания, ўзининг Ўзбекистондаги шўба компаниясининг асосий лицензияси кейинги 15 йиллик муддатга узайтирилгани ҳақида эълон қилади.

Ўзбекистон Республикаси назорат органларининг лойиҳалаштириш, қуриш, эксплуатация қилиш, уяли ва алоқа хизматларини кўрсатиш, шунингдек компания режаларида ўз телекоммуникацион тармоғини келгусида ривожлантириш бўйича лицензиясини узайтириш бўйича қарор 2016 йилнинг май ойида топширилган ариза асосида қабул қилинган.

Республикада Beeline савдо белгиси остида 2G, 3G, ва 4G/LTE алоқасини тақдим этувчи ва 9,5 миллион абонентлар учун дигитал-хизматларни тақдим этувчи VimpalCom учун Ўзбекистон муҳим бозор ҳисобланади. 2006 йилдан бошлаб VimpelCom Ўзбекистонга 1 млрд АҚШ долларидан зиëд маблағ сармоя қилган, шунингдек 950 миллион доллардан зиёд солиқ тўлаган, бу эса уни мамлакатнинг энг йирик солиқ тўловчиларидан бирига айлантирди.

Воқеани шарҳлар экан, Beeline Uzbekistan бош директори Дмитрий Шуков қуйидагиларни белгилаб ўтди: “Биз Ўзбекистондаги лицензиямиз узайтирилганидан жуда мамнунмиз, ва ушбу муҳим бозорда ўз абонентларимиз учун дунё даражасидаги хизматларни тақдим этишда давом этамиз. Биз 2G тармоғи билан республиканинг 88% аҳолисини, 3G тармоғи билан 52% аҳолини қамраб олганмиз, айни пайтда эса 4G/LTE базасидаги сервисларимизни сезиларли даражада кенгайтиришга тайёргарчилик кўрмоқдамиз. VimpelCom бор барча мамлакатларда асосий рақамли ва телеком-хизматлар билан барчани таъминлашга интилади, бу эса биз улар учун фаолият юpитаётган миллионлаб мижозларнинг ҳаётини янада яхши ва қулай қилади”.

  Батафсил маълумотлар учун: