“Web camera” танлашда эътибор бериладиган характеристикалар
Интернет тезлиги ошган сари, фойдаланувчиларнинг талаби ҳам ортиб бормоқда. Шундай талаблардан бири, видео алоқани ўрнатишдан иборат. Видео алоқани амалга ошириш учун web камера керак бўлади, бу қурилма оддий камера сингари ишлайди ва видео алоқани ўрнатиб беради. Мақолада, web камера сотиб олишда нималарга аҳамият бериш кераклигини ёзиб ўтаман.
Демак ,web камера танлашда, унинг қуйидаги параметрларига яхшилаб аҳамит беринг.
1. Матрица тури. Энг асосий аҳамият бериладиган характеристика бўлиб, видео алоқа ўрнатиш сифатини белгилайди. Ҳозирда 2 хил турдаги матрица мавжуд: CCD, CMOS. Агар сиз уй шароитида ведео алоқани ўрнатмоқчи бўлсангиз, сизга оддий арзонроқ CMOS матрицали web камера ҳам бўлаверади. Агар сиз профессионал ишлар учун(ҳар хил конференсиялар) web камерани ишлатмоқчи бўлсангиз, унда сизга CCD матрицали камера керак бўлади.
2. Матрица ўлчами. Бу характеристика орқали сиз қандай ўлчамда(разрешения) видео алоқани ўрнатишни белгилайсиз, ўлчам деганда горизонтал ва вертикал йўналишдаги пикселлар сони тушунилади. Қанчалик катта бўлса, шунча аниқ бўлади. Қуйидаги асосий қийматлар мавжуд:
640×480 piksel — 0,3Mpx — (VGA)
1280×1024 piksel — 1,3Mpx — (HD)
1920×1080 piksel — 2,0Mpx — (FullHD)
Ҳозирги кунда энг ҳамёнбоп ва интернет тезликка мос камера 1,3Mpx ўлчамлигидир.
3. Сезиш қобилияти. Бу характеристика қанчалик ёруғ бўлганда, камера олиши яхши бўлишини белгилайди. Бу матрица турига боғлиқ, агар сизнинг матрицангиз CCD типида бўлса, бироз ёруғ бўлса ҳам, яхши сифатда олади. Агар CMOS матрица бўлса, виде оалоқа яхши бўлиши учун, ёруғроқ хона бўлиши лозим. Бу параметр «lux«да ўлчанади.
4. Сониядаги кадрлар сони. 1 сонияда қанча кадр олиши. Видео, расмлар кетма-кетлигидан иборат бўлгани учун, сония давомида ўтадиган расмлар сони кўпроқ бўлиши керак. нормал ҳолат учун, сонияда 30 та кадр ўтиши кифоя қилади, ундан пасти ҳар хил сурилишлар билан видео ҳосил қилиши мумкин, одатда бу характеристика частотада ўлчанади ва «fps» кўринишида камерага ёзилган бўлиши ҳам мумкин.
5. Фокусировка. Объектдан камерагача бўлган масофани аниқлаш, одатда бу характеристика автомат бўлади, шундай бўлса ҳам, бир сўраб, текшириб кўринг.
Юқоридаги характеристикалар асосийлари ҳисобланади, улардан ташқари қуйидагиларга ҳам аҳамият беринг.
1. Ўрнатилиши. Монитор турига қараб танланаверилади. Иложи борича қотирилишига аҳамият беринг, видео бўлгандан кейин, яхши қотиб туриши лозим.
2. Интерфейс. Одатда web камералар USB порт орқали уланади. Сиз этибор берадиган яна бир нарса, уланадиган симнинг узунлиги, иложи борича узунроғини олинг, чунки ҳар хил ҳолат бўлиши мумкин, камида 1,5 бўлгани яхши.
3. Операцион тизимга боғлиқлиги. Барча web камералар Windows операцион тизими билан бемалол ишлай олади. Сиз фақат Windows эмас, бошқа, Linux, Mac операцион тизимлари билан ҳам ишлай оладими, шуларига ҳам қаранг, кейинчалик керак бўлиб қолиши мумкин.
4. Микрофон. Web камерада қўшимча микрофон бўлгани ҳам яхши. Битта тўлов орқали иккита қурилмага эга бўласиз, ишлатиш ҳам содда бўлади. Иложи борича микрофонлигини олинг.
5. Видео эффектлар. Баъзи web камераларда ўз эффектлари бўлади. Бу қўшимча характеристика бўлиб, агар керак бўлса, шундайларини ҳам топишингиз мумкин.
6. Қўшимча имкониятлар. Web камераларда ҳар хил эффектлар, ZOOM, яритишларни кўпайтириш, рангларни мослаш ва бошқа қўшимча имкониятлар ҳам бўлиши мумкин. Бу энди сизнинг дидингизга боғлиқ.
Ҳозирги кунда қуйидаги асосий фирма wеб камералари мавжуд: Philips, A4Tech, Oklick, Ritmix, Hercules, HP, Microsoft, Axis, Canyon, Prestigio, MSI StarCam, Chicony, Logitech, Genius, Creative.
Манба: ITportal.uz
