Xenium X818 – Philips’дан янги флагман смартфон

Philips компанияси ўзининг янги флагман модели – Xenium X818 смартфонини тақдим этди. Қурилма юпқа металл корпусга эга бўлиб, сиғими 3900 мА/ст бўлган батареядан қувватланади

Смартфон махсус Philips интерфейсидаги Android 6.0 Marshmallow версиясида ишлайди. Гаджетга 5,5 дюймли Full HD аниқлигидаги IPS экран ўрнатилган бўлиб, экран шишаси тўртинчи авлод Gorilla Glass технологияси билан ҳимояланган. Экранга татбиқ этилган SoftBlue технологияси кўз учун зарарли бўлган кўк нурларни сезиларли даражада камайтиради.

Xenium X818 такт частотаси 2,0 ГГц бўлган MediaTek Helio P10 процессори ёрдамида ишлайди, унга 3 ГБ тезкор ва 32 ГБ доимий хотира ўрнатилган. Автофокус ва қўш чақноқли асосий камеранинг аниқлиги – 16 МП, олд камераники эса 8 МПни ташкил этади. Home тугмасига бармоқ изи сканери қўлланган.

Флагман 2 та SIM-карта ишига мўлжалланган, унга 128 ГБгача бўлган microSD-карта жойлаш мумкин.

Philips Xenium X818 шу ойда сотувга чиқарилади, нархи 400 доллар атрофида бўлиши маълум қилинган.