Xiaomi Redmi Note 5'ни харид қилмаслик учун сабаблар

Xiaomi куни кеча тақдим қилган Redmi Note 5 (Хитойда "Redmi 5 Plus" деб номланган) мобил алоқа моделини харид қилмаслик учун экспертлар томонидан бир қатор сабаблар келтириб ўтилди.

Дизайн

Тўлиқ ўлчамли FullView дисплейни ва олд панелдаги LED фоточақноғини ҳисобга олмаганда, Xiaomi Redmi Note 5 моделининг дизайни "Redmi Note 4"ни эслатади. Бу кичик ўзгариш аксарият фойдаланувчилар учун аҳамиятли эмас.

Процессор

Xiaomi Redmi Note 5 моделида 8 ядроли Snapdragon 625 чипсети ўрнатилган. Бу процессорга деярли 2 йил бўлган ва бу "электрон юрак" бугунга қадар Xiaomi'нинг Redmi 4 Prime, Note 4, Mi Max 2, Mi A1 каби моделларида ўрнатилган. Xiaomi платформага бир оз ўзгариш киритиб, бу моделга ҳам нисбатан илғор бўлган Snapdragon 630 чипсетини ўрнатганида қойилмақом иш бўлган бўлар эди.

Камера
Xiaomi Redmi Note 5 моделида 12 мегапикселли бош ҳамда 5 мегапикселли олд камера ўрнатилган. Яъни, камера борасида бу модел салоҳияти ҳам аввалги -- Redmi Note 4 имкониятлари билан бир хил.

Аккумулятор

Катта экран катта қувватни талаб қилади. Xiaomi Redmi Note 5 учун электр токи сиғими 4000 мА соат бўлган аккумулятор танланган. Тўғри, бу қувват билан уни 2 кун ишлатиш мумкин. Шу билан бирга, компания бу аккумуляторга тезкор қувват олиш технологиясини жорий қилса, яна бир кутилмаган совға бўлар эди. Смартфон тўлиқ қувват олиши учун 2 кун керак бўлади.

Алоқа имкониятлари

Xiaomi бу моделга ҳам эскича MicroUSB портини ўрнатибди. Redmi Note 5 ҳамда Note 5 Pro ҳам "Type C", яъни универсал портга эга бўлмагани афсусланарли.

Ўқинг: Redmi Note 5 ва Note 5 Pro тақдим қилинди: кутилмаган жиҳат ва нархлар!

Тўғри, ҳамёнбоплиги ва имкониятларига кўра, Redmi Note 5 диққатга сазовор.

Xiaomi Redmi Note 5 моделининг 3+32 Гб талқинини 156 АҚШ долларидан, 4+64 ГБ талқинини 187 АҚШ долларидан харид қилиш мумкин.

Xiaomi Redmi Note 5 моделининг ўзига хосликлари:

Дисплей: 5.99 дюймли, FHD+ сиғимли (2160 x 1440 пикселли), IPS матрицали, 2.5D шаклидаги безак ҳамда Gorilla Glass ҳимоя шишаси билан қопланган. Ҳар бир дюймдаги пикселлар сони -- 403 (ppi) та!!!
Процессор: 2.0 Ггц, 64 битли ва 8 ядроли Snapdragon 625;
Видео карта: Adreno 506;
Тезкор хотира: 3 Гб / 4 Гб; 
Доимий хотира: 32 Гб / 64 Гб, micro SD ёрдамида 128 гигабайтгача ошириш мумкин; 
Бош камера: 12 Мп (f/2.2) LED фоточақноқ ва фазали автофокус;
Селфи камера: 5 Мп (f/2.0) LED фоточақноқ;
Аккумулятор: 4,000 мА соат;
Операцион тизим: Android 7.1.2 Nougat (MIUI 9);
Алоқа: WiFi, 3G, LTE w/ VoLTE, Bluetooth 4.2, OTG, GPS, A-GPS, GLONASS, dual SIM (гибрид: сим-карта + хотира картаси ёки сим-карта + сим-карта);
Бошқа сенсорлар: бармоқ изи сканери, инфра қизил нур;
Корпус ранглари: қора, тилла ранг, пушти-тилла, кўк ранг (lake blue);
Ўлчамлари: 158.5 x 75.45 x 8.05 мм;
Вазни: 180 грамм;
Нархи: 155 АҚШ доллари (3/32), 187 АҚШ доллари (4/64).