Хитой смартфонларидан кераксиз иловаларни ўчириш осонлашади
Хитойнинг саноат ва ахборот технологиялари вазирлиги 2017 йилнинг 1 июлидан бошлаб мамлакатда ишлаб чиқариладиган смартфонларга нисбатан бир қатор талабларни эълон қилди, деб хабар бермоқда China-Review.
Ҳужжатда акс этган қоидаларга биноан, хитойлик смартфон ишлаб чиқарувчилардан смартфонга олдиндан ўрнатиладиган сервис ва иловаларни ўчириш имкотиятини тақдим этиш сўралган. Шунингдек, дастур янгиланиши орқали мазкур кераксиз иловалар смартфонда қайта пайдо бўлиши ёки тикланиши мумкин эмас.
Бундан ташқари, ишлаб чиқарувчилар қурилмаларни сотадиган ва етказиб берадиган компанияларга мижознинг розилигисиз бирор бир иловани смартфонга ўрнатишни тақиқлашлари лозим этиб белгиланган.
Бундай чоралар истеъмолчилар ҳуқуқининг бузилишини олдини олиш ҳамда шахсий маълумотларни ҳимоя қилиш мақсадида киритилган.
