Apple октябрь ойида App Store’дан 47 300 та иловани ўчирди

Ferra сайтининг маълум қилишича,  Apple компанияси октябрь ойида App Store ресурсидан кераксиз ва қоидаларга жавоб бермайдиган 47 300 та иловани ўчириб ташлаган. Ушбу кўрсаткич компания 2016 йилда бир ой мобайнида дўкондан ўчирган иловалар миқдоридан 3 марта кўпроқдир (одатда, Apple ойига 14 мингта иловани ўчирарди).

Энг кўп иловалар “Ўйинлар” бўлимидан ўчирилган бўлиб, жами олиб ташланган иловаларнинг 28 фоизини ташкил қилган. Кейинги ўринларни “Кўнгил очиш” (8,99 %), “Китоблар” (8,96%) ва “Таълим” (7%) бўлимлари эгаллаган. Ўчирилган иловаларнинг қарийб ярми 2015 йилнинг май ойидан бери янгиланмаган.

Apple’нинг таъкидлашича, App Store’да ҳар ҳафта тахминан 100 мингга яқин янги ва янгиланган иловалар пайдо бўлади. Дўкондаги иловаларнинг жами сони 2 миллион атрофида. 2020 йилга бориб ушбу миқдор 5 миллионга етиши мумкин.