Афсонавий Doom ўйинини 20 йиллик фотоаппаратда ишга туширишди (видео)

Эски ўйинлар ишқибозлари уларни ноодатий гаджетларга ҳам ўрнатиб кўришга қизиқишади. Масалан, Doom ўйинини калькуляторида, MacBook Pro тачбарида, электрон китоб ўқигичда ва ҳатто Porsche автомобилининг борт тизимида ҳам ишга туширишган.

ЎҚИНГ: Энг мураккаб ўйин: «Илонча» ва «Тетрис» чатишмасида кучингизни синаб кўринг!

LazyGameReviews никли видеоблогер эса уни Kodak Digital Science DC260 ZOOM фотокамерасида ишга туширишга эришди ва унинг экранида ўйин жараёнини намойиш этди. Бу фотоаппарат 1998 йили тақдим этилган ва ўшанда нархи минг доллар эди.

Мана, фотокамерада ўйин жараёни қуйидагича:

Kodak Digital Science DC260 ZOOM фотоаппаратининг ўзига хослиги – ўзининг операцион тизими, унда расмни таҳрирлаш ва бошқа имкониятлар борлигидир. Унда 66 МГц частотали PowerPC процессори, 8 МБ тезкор хотира, кичикроқ рангли экран, аудиочип ва D-Pad мавжуд. Шулар шарофати билан унда Doom ва бошқа айрим ўйинларни ишга туширса бўлади.

ЎҚИНГ: ТОП-10: Энг кучли ўйинбоп смартфонлар (2019 йил, ноябрь)