Galaxy P30 – бармоқ изи сканери дисплейга жойлашган илк Samsung смартфони!
Samsung компанияси ўзининг мобил телефонлар туркумларини қайта кўриб чиқмоқчи эканлиги хусусида аввалроқ хабар бергандик. Жумладан, ўрта нархли Galaxy A серияси кенгайтирилиши ва ҳамёнбоп смартфонлари тўхтатилиши айтилмоқда.
ЎҚИНГ: Samsung ҳамёнбоп Galaxy J смартфонларидан бутунлай воз кечмоқчи!
Sammobile нашрининг хабар беришича, Samsung компанияси ўз смартфонларини янги – Galaxy P туркумида ҳам тақдим этишни режалаштирган. Ушбу сериядаги қурилмаларда дактилоскопик датчик экран остига жойланади.
Янги туркумнинг илк вакиллари эса Samsung Galaxy P30 ҳамда P30+ моделлари бўлади. Улар жанубий кореялик гигантнинг юбилей флагмани – Galaxy S10’дан аввал намойиш этилиб, дастлаб фақат Хитой бозорига чиқарилади. Samsung шу йўл орқали «Осмон ости салтанати»да маҳаллий смартфонсозларнинг худди шундай – сканерли экранга эга моделлари билан рақобатлашмоқчи.
Samsung Galaxy P30 смартфонининг модел рақами SM-G6200 бўлиб, у LCD-дисплей ҳамда оптик дактилоскопик датчик билан таъминланади. Galaxy S10 флагмани эса OLED-экранга эга бўлиб, унга ўрнатиладиган бармоқ изи сканери ҳам техник жиҳатдан янада такомиллашган, Qualcomm маҳсулоти бўлган ультратовушли сенсордир.
Тахминларга кўра, Samsung Galaxy P30 тақдимоти шу йилнинг охиригача бўлиб ўтади. Унинг Хитойдан бошқа ҳудудлар бозорига қачон чиқарилиши ҳозирча номаълум. Компаниянинг аксарият моделлардаги смартфонларини эса ўзимизнинг интернет-дўконимизда ҳам расмий кафолати билан савдога қўйилган. Уларга онлайн тарзда буюртма бериш, ўзингизга қулай усулда тўлов қилиш имкониятлари ҳамда Ўзбекистон бўйича бепул элтиб берилиши сизга маъқул келади.
