ИЛК БОР: Xiaomi смартфони ухлаётган эгаси ёнида портлаб кетди!
Смартфон батареяларининг портлаши ҳақида гап кетганда, кўпчилик биринчи ўринда Samsung Galaxy Note 7 фаблетини эслайди. Аммо бошқа ишлаб чиқарувчиларнинг турли гаджетларида ҳам бу каби ҳолатлар учраб туради.
ЎҚИНГ: Батареяларнинг портлаши: сабаб ва оқибатлари, ҳимояланиш усуллари
Жумладан, Xiaomi расмий форумида Mi A1 смартфони батареясининг портлагани ҳақидаги илк маълумот эълон қилинди. Яхшиямки, бу ҳолат ёнғинга сабаб бўлмаган ва шундоққина қурилманинг ёнида ухлаб ётган эгасига зарар етмаган.
Фойдаланувчи одатдагидек Xiaomi Mi A1 смартфонини қувватлаш учун тунда ўз кровати ёнидаги тумбочка устига қўйиб ётган. Тунда эса девайснинг батареяси портлаб кетган. Унинг ғилофи портлашни, алангани ва товушни ташқарига чиқариб юбормаган. Эгаси эса эрталабгина бундан хабар топган ва ярим тунда уйқу аралаш аллақандай товуш эшитганини эслаган.
Смартфон эгаси аллақачон Xiaomi расмий сервис марказига мурожаат этган, у компенсациядан умидвор. Шунингдек, у барча смартфон эгаларини ўз девайсларини тунда қувватлашга қўймасликка чақирган. Хусусан, қурилмани ўз ёнида ва бошига яқин жойда қувватлашга қўймаган маъқул, дейди у.
