Microsoft Surface Pro’нинг LTE тармоғида ишловчи талқини чиқди (+видео)

Microsoft Surface Pro’нинг LTE тармоғида ишловчи талқини чиқди (+видео)

Microsoft корпорацияси Future Decoded анжуманида Surface Pro гибрид планшетининг яна бир вариантини тақдим этди. Янги қурилма LTE Advanced стандартидаги уяли алоқа тармоғини қўллаб-қувватлайди. Бу ҳақда Microsoft сайтида маълумот берилган.

Кўрсаткичлари юқори даражада

Экранининг диагонали 12.3 дюймга тенг, LTE тармоғини қўллаб-қувватловчи янгича Microsoft Surface Pro қурилмасига еттинчи авлод Intel Core i5 процессори ўрнатилган. У тезкор ва доимий хотирасининг ҳажмига кўра икки хил: тегишлича 4/128 ГБ ва 8/256 ГБ ҳажмли талқинларда ишлаб чиқарилади.

Планшет 450 Мбит/с.гача тезликда ишловчи «гигабитли» Qualcomm Snapdragon X16 чипи базасида ишлайди. Портатив компьютерлар сегментида ҳатто шу кўрсаткичнинг ўзи ҳам рекорд даража ҳисобланади.

ЎҚИНГ: HP Elite x2 1012 G2 – ҳали тақдим этилмаган Surface Pro 5 рақиби

Ҳамиша алоқада

Агарда компаниянинг сўзларига ишонадиган бўлсак, уяли алоқа тармоғида ишлашда ушбу планшет-трансформер аккумуляторининг қуввати Wi-Fi’дан фойдаланиб ишлашдан кўра атиги 10 фоизга кам вақтга етади.

Сигнал сифати ёмонлашганида, Surface Pro гаджети Wi-Fi уланиш нуқтасидан LTE тармоғига (ва аксинча тартибда) автоматик тарзда ўта олади. Унда nano-SIM форматидаги карточка слотидан ташқари, электрон e-SIM улаш имконияти ҳам мавжуд.

Қуйидаги видеолавҳада мазкур трансформер девайснинг хусусиятлари кўрсатиб берилган:

Фақат бизнес учун

Microsoft компанияси LTE тармоғини қўллаб-қувватловчи Surface Pro гибрид планшетини АҚШда шу йилнинг 1 декабридан савдога чиқаради.

Унинг 4/128 ГБ хотирали талқинига 1150 АҚШ доллари миқдорида нарх белгиланган. Тезкор/доимий хотираси 8/256 ГБ ҳажмли версияси учун эса 1450 доллар сўрашяпти. Бу нархлар Microsoft Surface Pro’нинг модемсиз стандарт версиялари баҳосидан роппа-роса 150 долларга юқоридир.

ЎҚИНГ: Энг яхши замонавий планшет-трансформерлар

LTE тармоғини қўллаб-қувватловчи Microsoft Surface Pro планшет-трансформери учун клавиатура ҳамда стилус алоҳида сотилади, уларга тегишлича 130-160 ва 100 доллар миқдорида қиймат белгиланган.

Сайтимизнинг энг чиройли расмларини Инстаграмдаги саҳифамизда томоша қилинг!

DiMaX

Технологияларга қизиқувчи, бу борадаги янгиликларни имкон қадар кузатувчи ва маъқул топганларини бошқалар билан баҳам кўришни ёқтирувчи фрилансер.