Москвада iPhone X учун икки кун олдиндан навбатга туришмоқда

Москвада iPhone X учун икки кун олдиндан навбатга туришмоқда

Apple’нинг «юбилей айфони» савдоси Москвада расман эртага – 3 ноябрдан бошланади. Аммо харидорлар кеча тундаёқ у ердаги Apple дўкони олдида навбатга тура бошлашган, деб ёзади Hi-Tech Mail.Ru.

Россия Федерацияси пойтахтининг Тверская кўчасида жойлашган Apple дўкони iPhone X савдосини 3 ноябрь куни, тонгги соат саккизда бошлайди. Савдо бошланишидан икки соат аввал сотувчилар харидорларга навбат рақами ёзилган махсус билагузуклар тарқатишади. Смартфонларни сотишда шу рақамлар тартибига амал қилинади.

Лекин кеча – 1 ноябрь туниданоқ дўкон олдига навбатга туриш бошланган. Хабарга кўра, кўчада аллақачон кўплаб харидорлар тўпланишган. Икки юздан ошиқ киши галма-галдан кафега кириб исиниб олганча, навбат бузилмаслигини таъминлаб, орада назорат қилиб туришибди.

Мана, Instagram тармоғига юкланган қуйидаги видеолавҳада бунга ўзингиз гувоҳ бўлишингиз мумкин:

 

Публикация от Grachik (@grachik__)

Яна бир жиҳатига эътибор бериш керак: бу навбатда турганларнинг айримлари чиндан ҳам Apple ихлосмандлари бўлса, бошқалари шунчаки навбатдаги ўз ўрнини сотиш учунгина банд қилиб турибди! Хабарда айтилишича, iPhone X талабгорлари навбатидаги ўрнини сотиш учун 35 минг рублгача нарх белгилашган. iPhone X смартфонининг нархи эса Россияда 81 минг рублдан бошланади.

ЎҚИНГ: Россияда iPhone 8 савдоси бошланди: кутилмаган ҳолатлар

Эслатиб ўтамиз, Apple смартфонларининг Тошкентдаги нархлари билан мана бу, iPhone 8 ва 8 Plus флагманларини кредит бўйича сўмга олиш имкониятлари билан эса мана бу хабарларимизда танишиш мумкин.

Сайт янгиликларидан доимий хабардор бўлиш учун Телеграм каналимизга қўшилинг!

DiMaX

Технологияларга қизиқувчи, бу борадаги янгиликларни имкон қадар кузатувчи ва маъқул топганларини бошқалар билан баҳам кўришни ёқтирувчи фрилансер.