Panasonic Toughbook FZ-N1 янгиланди: кафтдек келадиган планшет, лекин жони тошдан

  •   Saroy
  •  731
  •  25.07.2018 11:36

Panasonic Toughbook FZ-N1 янгиланди: кафтдек келадиган планшет, лекин жони тошдан

Бундан икки йил бурун Panasonic  корхоналар учун Toughbook FZ-N1 смартфонини намойиш қилганди. Энди эса ушбу жони қаттиқ аппаратнинг янги версияси янада замонавий жиҳозлар билан таъминланиб оммага  намойиш этилди.

Компания  Panasonic Toughbook FZ-N1’ни смартфон эмас, балки кафтдек келадиган бизнес-планшет,  деб аташни маъқул кўрмоқда. Мобиль тармоқларга улана олишига қарамасдан, гаджет ижтимоий тармоқлардаги ленталарни варақлашга мўлжалланмаган. Ушбу қурилманинг жойи айнан омборхоналарда, ишчилар қўлида. Чунки улар товарларнинг заҳирасини ёки юкларнинг ҳаракатини назорат қилиб бориши керак. Аппарат эса айнан ушбу юмушларда катта самара беради. Чунки, бунинг учун аппаратнинг ички томонида штрихкодлар сканери мавжуд.

ЎҚИНГ:Panasonic 125 долларга кучли чақноқли смартфон чиқарди

Аввал бошда, Panasonic Toughbook FZ-N1  Android билан ёки бортида Windows 10 Mobile бўлган корпоратив версияси билан сотувга чиқарилган эди. Уларнинг энг сўнггиси аллақачон нафақага жўнатилган, шу боис янги модели фақат Android 8.1 Oreo’да ишлайди. Қурилманинг олд томонидан қарасангиз ўша 4.7-дюймли HD-форматидаги 280x720 пикселли дисплейни кўрасиз.  Асосий ўзгаришлар аппаратнинг ичида юз берган, яъни у тўртядроли процессор ўрнига Qualcomm’нинг (4x2.2 ГГц + 4x1.8 ГГц,  Snapdragon 660) саккизядроли процессори  билан таъминланди. Аппаратнинг тезкор хотираси 3 ГБ, ички хотираси 32 ГБ.

ЎҚИНГ:Panasonic P90: чиройли ва арзон смартфон – атиги 80 доллар

Аккумулятор 3200 мАч бўлиб, уни ечиб олса ҳам бўлади, ички батареяси қурилманинг ишини 30 сония давомида таъминлаб туради. Янги қурилма  MIL-STD 810G стандартига тўла жавоб беради. Аппаратнинг жони тошдай қаттиқ, икки метргача бўлган баландликдан тушиб кетса ҳам унга  ҳеч нарса қилмайди. Қолаверса, сув ва чанг-тўзондан ҳам IP66/IP68 стандарти бўйича ҳимояланган. Корпусни 30 дақиқа давомида чуқурлиги бир ярим метрлик сув остида ушлаб турса ҳам аппарат ишлашда давом давом этади, ишонаверинг. Чунки бу қайта-қайта синаб кўрилган.

Яхши матоҳнинг нархи ҳам ўзига яраша бўлади. Янгиланган Panasonic Toughbook FZ-N1 1900 долларга нархланди, у яқин кунларда сотувга чиқарилади. Тавсифи жиҳатидан оддийроқ вариант ҳисобланган  Toughbook FZ-T1 1615 доллар турарди.

ЎҚИНГ:Автомобиль калити ўтмишда қолади: энди смартфон билан...

 

#бизнес смартфон #Планшет #Panasonic Toughbook FZ-N1