Samsung директори сўз берди: буклама смартфон шу йилиёқ чиқади!
Ўзгача форм-фактордаги – букланувчи корпусга ва қайишқоқ дисплейга эга смартфон яратиш борасида бир қатор компаниялар пойга ўйнаётганидан хабарингиз бор. Жанубий кореялик техногигант бу борада анча ютуқларга эришиб ҳам бўлган.
ЎҚИНГ: Samsung Galaxy X: эгилувчан смартфоннинг илк тасвирлари
Компания топ-менежери ушбу инқилобий қурилманинг кутилаётган вақтидан олдинроқ, яъни, келаси йили эмас, балки 2018 йилнинг ўзидаёқ чиқишини айтди. Samsung мобил бўлинмаси бош директори DJ Koh сўзларига кўра, буклама смартфон шу йилнинг ноябрида Сан-Франциско шаҳрида дастурчилар учун ташкиллаштириладиган конференцияда тақдим этилиши мумкин.
Директорнинг сўзларига кўра, Samsung айни дамда бу «оддий бўлмаган» гаджет устида ишларни олиб бормоқда. Компания ушбу девайснинг «очилган» ҳолатда оддий планшетлардан фарқли бўлиши учун имкон қадар ҳаракат қилаётир. Аммо DJ Koh мазкур смартфоннинг қандай номланиши («Galaxy X» ёки «Galaxy F») масаласига аниқлик киритмаган.
Айтиш керакки, Samsung шу кунгача бозорга чиқарган аксарият русумлардаги смартфонлар Terashop.uz интернет-дўконимизда сотилмоқда. Улар билан танишиш, ўзингизга маъқул моделнинг хусусиятларини кўриш ва онлайн харид қилиш учун мана бу ҳавола орқали ўтишингиз мумкин.
ЎҚИНГ: Samsung четга чиқиб туриши керак: Huawei дунё бозорида биринчи бўлмоқчи
