Ucell абонентлари учун OLX.uz’нинг «Эълонлар тахтаси» ишга тушди

Ucell абонентлари учун OLX.uz’нинг «Эълонлар тахтаси» ишга тушди

Ўзбекистондаги энг оммабоп онлайн савдо платформаси – OLX.uz ўзининг ҳамкори – Ucell абонентлари учун «Эълонлар тахтаси» овозли порталини йўлга қўйди. Бу ҳақда оператор сайтида хабар берилган.

ЎҚИНГ: Ucell ўчирилган рақамни сўнгги эгасига улашни йўлга қўйди

Энди Ucell абонентлари 0780 рақамига қўнғироқ қилиб, операторнинг ахборот-ҳамкори ҳисобланмиш OLX.uz сайтининг «Эълонлар тахтаси» овозли порталидан фойдаланишлари мумкин. Мазкур овозли порталда айни пайтда учта бўлим мавжуд: иш; кўчмас мулк; транспорт.

Қолаверса, энди абонентлар мазкур порталдаги вилоятлар бўйича қидириш функциясидан ҳам фойдаланишлари мумкин. Шунингдек, ўзини қизиқтирган эълон ҳақидаги батафсил маълумотни бепул 3141 SMS-рақамидан SMS тарзида олиш имкони ҳам мавжуд.

ЎҚИНГ: OLX.UZ’даги арзон айфонга учиб, 500 долларга чув тушган ҳамюртимиз

Айтиш керакки, мазкур контент хизмати Ucell уяли алоқа оператори ҳамда Smart Mobile контент-провайдери ҳамкорлигида жорий этилган. «Эълонлар тахтаси» контент хизмати ўзбек ва рус тилларида тақдим этилади. Овозли хизматга қўнғироқ дақиқабай нархланади, мулоқотнинг бир дақиқаси нархи (ҚҚС билан) 42,10 сўмни ташкил этади.

Terabayt.uz сайтининг видеолари: Youtube'даги каналимизда!

DiMaX

Технологияларга қизиқувчи, бу борадаги янгиликларни имкон қадар кузатувчи ва маъқул топганларини бошқалар билан баҳам кўришни ёқтирувчи фрилансер.