VIVO V9: 24 МПлик олд камерали смартфон ҳақида илк маълумотлар ва «жонли» расмлар!
VIVO компанияси кейинги пайтларда ўзининг илғор технологияларга эга бир қатор смартфонлари билан кўзга ташланмоқда. Бу технологиялардан айримларини ҳатто етакчи смартфонсозлар ҳам уддалай олишмаган.
Куни кеча эса интернет кенгликларида унинг янги – ҳали намойиш этилмаган VIVO V9 русумли смартфонининг постер сурати тарқалиб кетди. Шу билан бирга, инсайдерлар аллақачон бу қурилманинг «жонли» суратларини ҳам эълон қилишган.
Хабарларга кўра, ушбу модел VIVO V7 ҳамда V7+ смартфонларининг давомчиси бўлади, чунки ишлаб чиқарувчи уларнинг номланишида саккиз рақамини «ташлаб кетган».
Қисқа қилиб айтганда, VIVO V9 замонавий трендларга эргашган ҳолда тайёрланган смартфоннинг типик мисолидир. Унинг экрани тепасидаги «кемтик»да олд камера, сўзлашув динамиги ҳамда яқинлашув датчиги ўрин олган. Плакатда ёзилишича, смартфоннинг селфи-камераси нақ 24 мегапикселли сенсорга эга!
ЎҚИНГ: Vivo яна етакчи смартфонсозларни доғда қолдирди!
Яна «сизиб чиққан» хабарларга кўра, бу қурилманинг экрани FullHD+ форматига эга, лекин бу маълумот ҳозирча расман тасдиқланган эмас. Шунингдек, VIVO V9 моделига Qualcomm Snapdragon 660 процессори қўйилиши кутилмоқда. Демак, унинг тезкор хотираси 3/4 гигабайт, доимий хотираси эса 32/64 гигабайт бўлиши эҳтимоли юқори.
Агарда фотосуратларда акс этган смартфон чиндан ҳам шу VIVO V9 бўлса, унда компания бармоқ изи датчигини жойлаш бўйича «орқага қадам қўйган», дейиш мумкин. Зеро, ушбу қурилмада дактилоскопик модул корпуснинг орқа панелига кўчирилган; компаниянинг бундан олдинги сўнгги моделларида эса ушбу сенсор дисплейнинг ўзига интеграция қилинган эди.
ЎҚИНГ: Хитойда Snapdragon 845'га эга илк смартфон тақдим қилинди
