Xiaomi смартфонлари учун MIUI 9’нинг янги версиясидаги ўзгаришларнинг тўлиқ рўйхати

  •   DiMaX
  •  1590
  •  20.01.2018 14:51

Xiaomi смартфонлари учун MIUI 9’нинг янги версиясидаги ўзгаришларнинг тўлиқ рўйхати

Xiaomi компанияси ўз смартфонларининг фойдаланувчиларини мунтазам хурсанд қилиб, қурилмалари учун MIUI операцион тизимининг янги талқинларини тақдим этиб келади. Жумладан, модел рақами 8.1.18 бўлган MIUI 9 прошивкаси ҳозирча бета-версия тарзида бўлиб, айни дамда уни бета-тестерлар синаб кўришмоқда. Лекин тез орада мазкур талқин барча фойдаланувчилар учун тақдим этилади.

ЎҚИНГ: Xiaomi’нинг MIUI 9 бета-тестерлари жамоасига қўшиласизми?

Глобал талқиндаги MIUI 9 (8.1.18) прошивкасида амалга оширилган ўзгаришлар ва фойдаланувчиларга тақдим этилган янги имкониятларнинг тўлиқ рўйхати эса қуйидагича:

Галерея:

  • Жойни бўшатиш учун локал сақлагич оптимизация қилинган.

Тизим:

  • Тўлиқ экранли моделларда «Орқага» ишоралари учун анимациялар такомиллаштирилган;
  • Тўлиқ экранли ишоралар экран тугмачаларига муқобил усулга айланган;
  • Тўлиқ экранли ишоралар учун алоҳида йўриқнома қўшилган;
  • Қурилма ўчириб-ёқилганидан кейин ишоралар яна ишлай бошлаган.

ЎҚИНГ: Xiaomi смартфонларида MIUI 9’нинг ажойиб функциясини фаоллаштирамиз (+видео)

Аккумулятор:

  • Ҳолат қаторидаги қувват даражаси аниқ кўрсатилади;
  • Кутиш режимида қувват сарфи камайтирилган.

Камера:

  • Араб тилидаги интерфейснинг нотўғри акс эттирилиши билан боғлиқ хатолик тўғриланган.

Созламалар:

  • «Хавфсизлик» банди энди «Махсус имкониятлар»да қайтарилмайди.

Line

  • Bluetooth-гарнитурадан фойдаланишдаги Line ANR хатолиги бартараф этилган.

ЎҚИНГ: MIUI 9’гача янгиланадиган 40та Xiaomi битта рўйхатда!

Пайқаганингиздек, MIUI 9 тизимининг янги талқинида энг фойдали ўзгаришлардан бири – телефон кутиш режимида турган пайти аккумулятор қувватининг кам сарфланиши бўлган. Бу билан қурилманинг автономлик муддати қанчалик ошиши ҳозирча маълум эмас, аммо, ҳамонки ишлаб чиқарувчи буни алоҳида қайд этаётган экан – фарқ жиддий бўлса керак.

MIUI 9 талқинидан ташқари, Xiaomi ўз операцион тизимининг юбилей версияси – MIUI X ёки MIUI 10 устида ҳам ишламоқда.

ЎҚИНГ: Xiaomi ўз смартфонларига MIUI X тайёрлаётганини тасдиқлади

#MIUI 9 #Xiaomi #Android смартфон