Энг кучли Apple қурилмалари рейтинги (AnTuTu)
Snapdragon 8 Gen1 чипининг чиқарилиши билан Android смартфонларининг баллари AnTuTu'да 1 000 000 дан ошиб кетган бўлса, M1 платформасида ишловчи iPad Pro 5 бу тўсиқни аллақачон энгиб ўтган.
Ушбу қурилма 1 255 349 балл билан Apple iOS қурилмаларининг январь ойидаги рейтингида биринчи ўринни эгаллади.
Иккинчи ўриндан iPad Pro 5 планшетининг 11 дюймли версияси ўрин олган бўлса, учинчи ўринга iPad Pro 3 жойлашди. Қизиғи шундаки, iPad Pro 3 бу йўлад iPad Pro 4, iPhone 13 Pro ва iPhone 13 Pro Max'ни ортда қолдира олган.
iPad mini 6 ҳам топ ўнталикка киришга муваффақ бўлди. Чунки у юқори даражадаги Apple A15 Bionic чипи билан жиҳозланган.