Xiaomi ўзининг янги AR кўзойноклари билан Apple'ни кенгайтирилган реаллик пойгасида ортда қолдирди!
Метаолам мавзуси анча камайиб қолган бир вақтда, Xiaomi компанияси MWC 2023 да ўзининг янги Wireless AR Glass Discovery Edition кўзойнагини намойиш қилди ва техногигант компаниялар орасида инновациялар яратишда айримлардан анча олдинда эканлигини яна бир исботлади.
Ўз номидан маълумки, Wireless AR Glass Discovery кўзойнаги симсиз кенгайтирилган реаллик кўзойнаги бўлиб, у прототип бўлишига қарамасдан футуристик дизайн ва ажойиб хусусиятларга эга.
Xiaomi Wireless AR Glass Discovery Edition features a lightweight yet sturdy design with a magnesium-lithium alloy structure and carbon fiber materials. Its electrochromic lenses allow for seamless access to reality and the virtual world at a single click. pic.twitter.com/FWANebc4Gp
— Lei Jun (@leijun) February 27, 2023
Xiaomi'нинг янги AR кўзойнаклари иккита микро-OLED экранлардан ташкил топган. Улар 1200 нит ёрқинликда тўлиқ HD тасвирларни чиқариб беради. Унинг олд томонида учта камералар мавжуд бўлиб, улар фойдаланувчининг кўз олдида атроф-муҳитни хариталаш учун ишлатилади.
Гарчи оддий кўзойнаклардан анча каттароқ кўринса ҳам Xiaomi АР кўзойноклари аслида жуда енгил. Унинг корпусини яратишда магний-литий қотишмаси структураси ва углерод толаси каби енгил материаллардан фойдаланилган. Батарея эса оддий литюм-ион батареясидан бироз кичикроқ бўладиган силикон-кислород аноддан тайёрланган. Булар билан қурилма оғирлиги атиги 126 граммни ташкил қилади. Бу эса кўзойнокни таққан ҳолда ундан узоқ вақт фойдаланиш имконини беради.
Boasting a retina-level near-eye display for AR glasses, Xiaomi Wireless AR Glass Discovery Edition delivers a truly immersive visual experience. Moreover, our self-developed Xiaomi AR Gesture Control empowers effortless control between virtual and real space. pic.twitter.com/EipqBWxkpW
— Lei Jun (@leijun) February 27, 2023
Қурилма Qualcomm'нинг Snapdragon ХР2 Gen 1 чипида ишлайди. У ҳеч қандай хотирага эга эмас. Шундай экан ундан фойдаланиш учун Xiaomi 13 ёки OnePlus 11 каби Snapdragon Spaces учун тайёр бўлган бошқа бирон-бир қурилмага уланишингиз керак бўлади.
Кўзойнаклар смартфонга компаниянинг "паст кечикишли хусусий коммуникация ҳаволаси" (маълум бўлишича, бу Wi-Fi ва Bluetooth комбинациясидир) орқали уланади ва унда атиги 50 мс кечикиш бўлиши мумкин. Бу шу қадар тезки, сиз кечикишни сиз деярли сезмайсиз.
"Мен кўзойнак тақиб 20 дақиқадан кўпроқ вақт давомида TikTok, Instagram ва YouTube видеоларини томоша қилдим ва кечикиш ёки тасвир сифати пасайишини аниқлай олмадим" дейди кўзойнакдан фойдаланиб кўрган XDA журналисти.
Лекин Xiaomi AR кўзойноклари шунчаки видео кўришдан кўпроқ қобилятга эга. Масалан, унда сиз унда компютер ойналарини очишингиз ва уларни атрофингизга хариталашингиз мумкин. Телефондан трек панели сифатида фойдаланиш билан ойналарни бошқаришингиз: уларни суриш ёки ўлчамини катта/кичик қилисангиз бўлади. Бундан ташқари кўзойноклар сизга AR ўйинларни ўйнаш имконини ҳам беради.
Гарчи демо видеоларда Wireless AR Glass Discovery тайёр маҳсулотдек кўринса ҳам Xiaomi ўзининг АR кўзойнокларини ҳозирча прототип деб ҳисобланади, яъни компания ҳали уни яхшилаши керак. Эҳтимол, қурилма батареясида муаммолар бўлиши мумкин, чунки ундан фойдаланиб кўрган журналист унинг қуввати 30 дақиқадаёқ тугаб қолганини айтган.
