Олд камераси ва Face ID сенсорлари экран остида жойлашган тўлиқ экранли iPhone қачон чиқарилиши маълум бўлди!
Ўзининг iPhone 13 Pro ва iPhone 13 Pro Мах смартфонлари билан Apple компанияси илк марта янги LTPO экран технологиясини ўзлаштирди. Ўзгармас янгиланиш тезлигига эга LTPS дисплейдан фарқли ўлароқ, LTPO мослашувчан янгиланиш тезлигини таклиф қилади ва Apple ўз маркетинггида буни "ProMotion" деб атайди.
Айтиш керакки, LTPO дисплей қувват сарфланишида муҳим рол ўйнайди: смартфонлар 120 герцгача мослашувчан янгиланиш тезлигида батареяга катта таъсир қилмаган ҳолда ишлайди. Шунингдек, Always-On Display ҳам LTPO экран билан қўллаб-қувватланади. Бунда экран янгиланиш тезлиги тўғри 1 герцгача тушади.
Apple LTPO дисплейларидан ҳозирча фақат ўзининг Pro модел iPhoneъларида фойдаланмоқда: iPhone 13 Pro, iPhone 13 Pro Мах, iPhone 14 Pro ва iPhone 14 Pro Мах. Бошланғич моделлар эса, ўзгармас 60 герц тезликдаги LTPS дисплей билан жиҳозланган ва бу 2025 йилгача давом этиши мумкин ёхуд Apple iPhone 17 сериясидан бошлаб бошланғич моделларда ҳам LTPO дисплейлардан фойдаланиши мумкин.
DSCC (Display Supply Chain Consultants) дан Росс Ёунг яна ўз репертуарида. У бу сафар Apple'нинг 2027 йилгача iPhone смартфонларида қўлланиладиган дисплейлар харитасини улашди (GSMArena орқали).
Афтидан Apple ўзининг Pro ва бошланғич моделлари ўртасидаги "жарликни сақлаб қоладиган кўринади – Pro моделлар тешикли селфи камера дизайнига ўтганида, оддийлари ProMotion бўлади; Pro моделлар тўлиқ экран билан чиқарилганида, оддийлари тешикли селфи камера билан чиқарилади.
Шундай қилиб, Apple ўзининг iPhone 17 смартфонларининг бошланғич моделларини ҳам LTPO дисплей билан таъминлайди ва шу билан бирга iPhone 17 Pro смартфонлари Face ID сенсорларини экран остига олади. Таъкидлаш жоизки, бунда селфи камера ташқарида қолади. iPhone смартфонлари учун тешикли селфи камера даври бошланади (эҳтимол, унда барча Android смартфон тўлиқ экран билан чиқарилаётган бўлади). Бироқ, Apple бу даврда узоқ вақт қолмайдиганга ўхшайди: орада iPhone 18 серияси билан инновациялардан танаффус қилгандан сўнг, компания iPhone 19 сериясидаги Pro моделларни селфи камерасини ҳам экран остига олади. Агар Росс Ёунг прогнози тўғри бўлиб, Apple шу йўлдан юрадиган бўлса, мутлақо тешик-тирқишларсиз, тўлиқ экранли iPhone 2027 йилда чиқарилади ва бу iPhone 19 Pro ва iPhone 19 Pro Мах моделлари бўлади.
Бу йил тақдим қилиниши кутилаётган iPhone 15 сериясига қайтадиган бўлсак, iPhone 15 ва iPhone 15 Plus моделлари учун экран янгиланиши "чёлкани чопиш" ва унинг ўрнига динамик орол ўрнатилиши бўлади. LTPO эса ҳатто iPhone 16 бошланғич моделлари учун ҳам амал қилмайди ва улар 60 герц барқарор янгиланиш тезлигидаги LTPS дислей билан жиҳозланади.
