Google Pixel 3 XL флагмани Geekbench’да: атиги 4 ГБ тезкор хотира! (+«жонли» суратлар)

Қидирув гигантининг флагман смартфон борасидаги қарашлари ҳамиша ўзига хос бўлган. Масалан, ҳамма смартфонсозлар ўзларининг илғор моделларида қўшалоқ камера қўллашга ўтганида, Google битта датчикли камера билан ҳам қойилмақом суратлар олиш мумкинлигини исботлаган.

ЎҚИНГ: Энг кучли камерага эга смартфон, ниҳоят суратга олиб кўрди

Google’нинг бу йил кутилаётган флагмани – Pixel 3 XL моделида ҳам камера қўшалоқ эмас, балки биттагина сенсорли бўлади. Гаджетнинг яқиндагина интернетда тарқалган «жонли» расмлари ҳам бундан далолат:

Лекин якка датчикли камера ҳам ҳали ҳаммаси эмас: Pixel 3 XL смартфонининг тезкор хотираси бор-йўғи 4 гигабайтга тенг экан! Аксарият компаниялар ўзларининг смартфонларини 6–8 гигабайтлик тезкор хотира билан кучайтираётган, 10 гигабайтлик «оперативка»га эга смартфонлар эшик қоқиб турган бир пайтда Google’нинг бу қилиғини қандай баҳолаш мумкин энди!?

ЎҚИНГ: ZTE 10/256 ГБ хотирали фантастик смартфон тайёрламоқда! (+видео)

Дарвоқе, Pixel 3 XL тезкор хотираси ҳақидаги маълумот Geekbench сервисининг базасидан олинган. Яқинда бу бенчмаркда синаб кўрилган мазкур флагманнинг самарадорлик кўрсаткичлари ҳам айтарли баланд эмас: якка ядроли тестда 2426, кўп ядроли имтиҳонда эса – 8355 балл, холос.

Шу пайтгача тарқалган хабарларга қараганда, Google мазкур флагманига Qualcomm Snapdragon 845 процессорини ўрнатган. Pixel 3 XL энг сўнгги – Android P операцион тизим талқини билан чиқарилишига эса шубҳаланмаса ҳам бўлади.

ЎҚИНГ: Android 9 P операцион тизим талқини умуман бетакрор! («жонли» видео)