Meizu “энг кучли процессор”га эга флагман смартфон тайёрламоқда
Meizu компанияси тез орада жаҳонни ўзининг янги ва илғор процессорли флагман смартфони билан ҳайратда қолдирса, ажаб эмас. Ҳозирча эса бу гаджетнинг қулоққа чалинган техник жиҳатлари билан танишинг.
Meizu янги смартфонида 2017 йилнинг илғор процессори бўлган Snapdragon 835’дан фойдаланиши кутилмоқда. Бу тўғрида компания 2016 йилдаёқ Qualcomm билан ҳамкорлик шартномасини имзолаган. Америкалик процессор етказиб берувчи жорий йилнинг 2-ярим йиллигидан Meizu учун “электрон юрак” етказиб бера бошлайди.
Хитойлик бренд янги смартфони учун икки ёнга қайрилган дисплейдан фойдаланади. Аммо, бу кейинги ойда кутилаётган PRO 7 модели эмас. Meizu PRO 7 смартфони учун Mediatek Helio X30 процессори танланган. Янги флагман 2017 йилнинг иккинчи ярим йиллигида намойиш қилинади.
Инсайдерларнинг ёзишича, Meizu бу гал ҳам смартфонига кўп танқид остига олинадиган Android’нинг ўзлаштирилган Flyme UI операцион тизимини ўрнатади. Олд панелдан Home бош тугмаси ҳам ўрин олади. Экспертларнинг фикрича, Meizu смартфон бозоридаги Самсунг флагманига ўхшаш гаджетлар сонини яна биттага кўпайтиради.
