Samsung стилусли Galaxy Tab A (2016) планшетини тақдим этди
Samsung компанияси куни кеча Жанубий Кореяда стилусли Galaxy Tab A (2016) планшетини намойиш қилди. Албатта, бундай ҳолат бироз ноодатийлигини сиз ҳам сезган бўлсангиз керак. Сабаби S Pen стилуси, одатда, компаниянинг Note сериясида бўлар эди.
Техник параметрлари бўйича янги планшет Galaxy Tab A (2016) планшетидан катта фарқ қилмайди, бироқ унга 3 ГБ тезкор хотира ўрнатилган. Корпус ҳам бироз йирикроқ шаклга эга.
Планшет 4G қўллови билан ёки оддий 3G версияда сотувга чиқарилади. Комплектга чехол-китоб – махсус подставка ҳам киритилган.
Стилусли Galaxy Tab A (2016) саккиз ядроли Samsung Exynos 7870 процессори ёрдамида ва Android 6.0 Marshmallow версиясида ишлайди. Экраннинг катталиги – 10,1 дюйм (1920-1200 пиксель аниқликда), унга 8 МПли асосий ва 2 Мпли олд камера ўрнатилган. Доимий хотиранинг ҳажми – 32 ГБ, яна microSD-карта ёрдамида хотира ҳажмини ошириш мумкин. Аккумулятор сиғими – 7300 мА/ст. Планшет оғирлиги – 558 г.
Планшет нархи ҳақида ҳозирча маълумот берилмаган.