125 миллиард долларлик лойиҳа: сайёҳлар коинотга лифтда олиб чиқилади

Япониянинг  Obayashi компанияси 2050 йилга келиб геостационар орбитага одамлар ва юкларни жўнатиш учун лифт қурмоқчи.

Коинот лифти концепциясини энг биринчи  XIX асрда Константин Циолковский таклиф қилган эди. Аммо ҳозиргача ушбу лойиҳани амалга оширишга ҳеч ким киришмаганди. Йўқотилган вақт ва имкониятни япон муҳандислари тўғрилашга қарор қилишди: яна 30 йилдан кейин улар лифтда биринчи сайёҳни коинотга жўнатмоқчи.

Кабина 36 000 километрлик баландликка кўтарилади, яъни Ернинг геостационар орбитасигача. Конструкциянинг умумий баландиги 96 000 километр бўлади. Бу масофа Ойгача бўлган узоқликнинг қарийб тўртдан биридир. Лифт трослари углеродни нанотрубкалардан тайёрланади, кабина эса магнитли линейли двигатель билан жиҳозланади.
Obayashi  катта лойиҳани  оз-оздан амалга оширмоқчи. 10 сентябрда улар коинотга минийўлдош жўнатади, у орбитада ўн метрлик узунликдаги трос билан боғланган ҳолича икки бўлакка бўлиниб кетади. Ушбу трос устида кичкинагина кабина ҳаракат қилади: унинг баландлиги атиги 6 сантиметр, кенглиги ва узунлиги — 3. Шундай моделлаштирилган коинот лифти олимларга ҳақиқий катталикдаги конструкцияни қурганда қандай муаммолар юзага келишини тўшинишга ёрдам беради.  
Агар моделлаштириш муваффақиятли ниҳоясига етса, муҳандислар ҳақиқий катталикдаги лифтни қуришга киришадилар.  Obayashi жами 6 тита лифт қуришни режалаштирмоқда. Якуний вариантда лифт кабинаси узунлиги 18 метр ва диаметри 7 метр бўлади. Кабинага 30 нафар сайёҳ сиғади. Лифтнинг орбитага бир марта кўтарилиши қанчага тушиши ҳозирча номаълум, аммо кўриниб турибдики, миссия арзон тушмайди. Ўзингиз ўйланг: лойиҳанинг баҳоси  — 10 триллионов йен, бу 125 миллиард доллар дегани.