Абитуриентлар диққатига: онлайн рўйхатдан ўтинг!

  •   DiMaX
  •  576
  •  21.06.2021 08:37

Абитуриентлар диққатига: онлайн рўйхатдан ўтинг!

2021/2022 ўқув йили учун олий таълим муассасаларининг бакалавриат таълим йўналишларига абитуриентларни онлайн рўйхатга олиш 20 июндан бошланди. Бу тўғрида Huquqiy axborot канали хабар бермоқда.

ЎҚИНГ: Кадастр объектига тақиқни энди онлайн текшира оласиз!

Бунда абитуриентлар:

- телефон рақамини авторизациядан ўтказиб, паспорт маълумотлари, доимий яшаш манзили ва тугатган таълим муассасаси бўйича маълумотларни киритиши;

- имтиёзлари мавжуд бўлса, уларни текширишлари;

- чет тилидан миллий ёки халқаро сертификатга эга бўлса, сертификат маълумотларини киритиши керак.

Таълим йўналишларини эса 2021-2022-ўқув йили учун ОТМга ўқишга қабул қилишнинг давлат буюртмаси параметрлари белгиланиб, тиллар кесимида тасдиқланганидан сўнг танлаш мумкин бўлади.

Рўйхатга олиш Давлат тест марказининг my.dtm.uz сайти ва Ягона интерактив давлат хизматлари портали (my.gov.uz) орқали амалга оширилади.

Абитуриентларни рўйхатдан ўтказиш 20 июлга қадар (20 июль куни ҳам) давом этади ҳамда улар ушбу муддатга қадар ўз маълумотларини ўзгартиришлари, чет тилидан миллий ёки халқаро сертификатга эга бўладиган бўлса, сертификат маълумотларини киритишлари мумкин.

ЎҚИНГ: Ўзбекистонда интернет тезлиги яна ошади

Terabayt.uz сайтининг видеолари: Youtube'даги каналимизда!