Алвидо, SMS!

Манбаларнинг хабар беришича, Хитойнинг учта энг йирик мобил оператори — China Mobile, China Telecom ва China Unicom онлайн-конференция ўтказган.

Унда 5G Messages номли янги хизмат тақдим этилган.

5G Messages — бу одатдаги SMS'нинг бошқачароқ кўриниши бўлиб, у 5G тармоғига асосланган.

Ҳозирча 5G SMS ҳақида тўлиқ тафсилотлар мавжуд эмас, лекин хабар берилишича, 5G Messages нафақат матнли хабарлар, балки турли расмлар ва видеолар алмашишга кенг имкон беради.

Бундан ташқари, 5G Messages компьютерлар билан янгича ишлашда, шу жумладан, 5G Messages чатлари орқали ўзаро ҳамкорлик, қидирув ва тўловлар каби комплекс хизматларни амалга оширишда кўмаклашади.

Яна айтилишича, конференцияда Huawei, Samsung, Xiaomi, vivo, Oppo, ZTE, Lenovo ва Meizu каби 11 та йирик смартфон ишлаб чиқарувчи компаниялар иштирок этган.

Huawei янги функциянинг синовини 10 апрелдан бошлашга қарор қилган, тижорат босқичи эса июндан бошланади.

ЎҚИНГ: «#UydaQoling» хизмати: Ucell 1000 дақиқа ва SMS, яна 100 мегабайтни бепул беряпти!