Android 6.0 тизимига эга илк гибрид планшет Lenovo Yoga Book бўлиши мумкин

Lenovo компаниясининг янги планшет компьютери Yoga Book деб ном олади ва у Android операцион тизимида фаолият кўрсатади. Яъни, ушбу планшет Android 6.0 Marshmallow операцион тизимидаги илк гибрид қурилма бўлиши мумкин.

Lenovo Yoga – бу золдирли, яъни ошиқ-мошиқли Windows-ноутбукларига ўхшаш, экрани 360° градусга буриладиган  Android-қурилма бўлиб, ундан ҳам ноутбук, ҳам планшет ўрнида фойдаланиш мумкин.

Янги қурилманинг 10,1 дюймли экранининг пикселлар сиғими 1920 x 1200 белгига тенг бўлади.

Yoga Book’нинг аппарат дастурий таъминоти 4 ГБ тезкор ҳамда 32 ГБ доимий ички хотирага эга Intel Atom x5-Z8500 Cherry Trail процессорида фаолият кўрсатади.

Планшет бугунги алоқа тармоқлари билан биргаликда, Wi-Fi, Bluetooth симсиз технологияси, GPS алоқа тизимини қўллаб-қувватлайди. Планшетнинг электр токи сиғими 8500 мА соат бўлган  аккумулятор батареяси унга ўртача фойдаланганда 15 соат ишлаш имконини беради.

Корпус қалинлиги 9,6 мм бўлган Lenovo Yoga Book’нинг намойиш вақти ва нархи ҳозирча эълон қилингани йўқ.