Android Nougat Galaxy S7 ва Galaxy S7 Edge’да қандай кўринишда бўлади?
Аввалроқ сайтимизда Буюк Британияга мўлжалланган Galaxy S7 Edge модели учун Android 7.0 Nougat версиясининг бета-синовлари бошлагани тўғрисида маълум қилган эдик. Кеча эса Samsung билан алоқадор янгиликларни ёритадиган етакчи Sammobile ресурсида Galaxy S7 ва Galaxy S7 Edge смартфонларидаги Android Nougat интерфейсининг бирламчи скриншот ва видеолари эълон қилинди.
Скриншот ва видеолардан кўриниб турганидек, Жанубий Корея гигантининг сўнгги флагманлари интерфейсида янги дастур туфайли бир қатор ўзгаришлар пайдо бўлган. Айниқса, дайлернинг интерфейси ўзига хос. Умуман олганда, Android Nougat версияси турли ортиқчи эскизлардан холи, кўзга яхши кўринади, минималистик дизайнда. Албатта, дастур билан флагманларга турли янги имкониятлар татбиқ этилади. Барча янгиликларни вақти билан батафсил ёритамиз. Ҳозирча эса Galaxy S7 ва Galaxy S7 Edge’даги Android Nougat билан танишамиз.
