Apple 2017 йил баҳорида 3 та янги iPad Pro моделларини намойиш қилади

Mac Otakara номли япон профиль блогининг маълумот беришича, Apple компанияси 2017 йил баҳорида 3 та янги iPad Pro моделларини тақдим этади.

Мазкур серияга нафақат катта ва ўрта диагоналдаги моделлар, балки 7,9 дюйм экранга эга бўлган мини-модель киритилиши ҳам тахмин қилинмоқда. Ўрта диагоналдаги моделнинг экрани 9,7 дюймдан 10,1 дюймгача катталаштирилади.

Катта диагоналдаги 12,9 дюймли iPad Pro моделига эса True Tone чақноқли 12 МПли асосий камера, шунингдек, жорий 9,7 дюмли iPad Pro’даги сингари True Tone дисплейи  ўрнатилади.

7,9 дюймли iPad Pro жорий iPad mini 4 моделининг янгиланган модификацияси бўлиши кутилмоқда. У смарт-коннектор, True Tone дисплейи ва 12 Мпли камера билан жиҳозланади.