Apple 300 долларлик китобни сотувга чиқарди :)

АҚШнинг Apple компанияси ўз маҳсулотлари дизайни тарихига бағишланган китобни сотувга чиқарди. Китобда 1998 йилда тайёрланган биринчи iMac’дан бошлаб 2015 йилда чиқарилган Apple Pencil’гача бўлган қурилмаларнинг тасвири акс этган.

“Designed by Apple in California” номли китобга Apple томонидан ишлаб чиқарилган гаджетларнинг 450 та юқори аниқликдаги суратлари киритилган, дея хабар бермоқда hi-tech.mail.ru. Расмларни Эндрю Закерман тайёрлаган. Китобда iPhone, iPod, Apple Watch ва қурилмаларни барча кичик тафсилотлари билан кўриш мумкин. Нашр Стив Жобс хотирасига бағишланган.

Энг қизиғи, китобни тайёрлаш учун 8 йил вақт сарф этилган. Apple’нинг маълум қилишича, китоб ташқи босмахоналар эмас, балки айнан фирма томонидан нашрдан чиқарилган.