Apple Mclaren компаниясини сотиб олмоқчи

АҚШнинг Apple компанияси суперкарлар ишлаб чиқарувчи ва ўзининг Formula 1 жамоасига эга Буюк Британиянинг  McLaren фирмасини харид қилиш мақсадида. Бу борада мазкур келишувларга алоқадор манбаларга таяниб, Financial Times хабар берган.

Ҳозирча McLaren томони Apple’нинг компаниянинг истиқболи учун сармоч киритиши ҳақидаги маълумотларни инкор этмоқда. Бироқ McLaren’нинг бутунлай Apple томонидан сотиб олиниши тўғрисида лом-мим дейишмаяпти. Келишув суммаси тахминан 2 млрд АҚШ долларини ташкил этиши мумкин. Cмартфонлар гигантига нима учун қимматбаҳо суперкарлар керак бўлиб қолгани ҳозирча сирлигича қолмоқда. Тахмин қилинишича, бу Apple’нинг автоном машина яратиш билан боғлиқ Project Titan лойиҳасига алоқадор бўлиши мумкин. Бироқ бу фақат тахмин, холос. Сабаби сўнгги пайтда Apple’нинг автомобиль дизайни билан шуғулланган ходимларни ишдан бўшатгани тўғрисида хабар берилган эди.