Ақлли памперс, қоғоз камера ва улкан-Октокоптер
Бугун Тайванда IT соҳасида йилнинг энг катта воқеаларидан бири ҳисобланган Computex 2018 ниҳоясига етмоқда. Ушбу халқаро тадбирда электроника соҳасида дунёдаги етакчи компаниялар ўз маҳсулотларини намойиш қилмоқда. Тўғри, энг сўнгги технологиялар асосида яратилган энг илғор компьютерлар, смартфонлар ва янги ишланмалар иштирокчиларда нафақат қизиқиш уйғатди, балки ақлини ҳам шошириб қўймоқда. Айниқса, кўплаб турли гаджетлар, маиший мақсадда фойдаланадиган ишланмалар ҳайратингизни оширмасдан қўймайди.
Қуйида мазкур тадбирда намойиш қилинган ғалати қурилмалардан намуналар келтирдик.
Қоғоздан фотокамера
Қиммат фотоаппаратлар одатда қолипда бир зумлик қотишмадан қилинади, арзон “совунлар” эса пластикдан. Лекин Тайван оролида корпуси оддий қоғоздан қилинган фотокамера ҳам сотилади. Қурилманинг қалинлиги атиги 12 мм. У 5 мегапикселли матрица билан жиҳозланган ва ҳатто, объектини ҳам алмаштирса бўлади. Битта комплектида иккита камера бўлади.
Оптикаси жуда кичкина, шундай экан камерага магнит ёрдамида муаммосиз маҳкамлаш мумкин. Олинган расмлар microSD хотира картасида сақланади, энг юқори қўллаб қувватловчи сиғим — 32 ГБ. Бироқ ўзининг 2 ГБ ли картаси ҳам етиб ортади, чунки унга камида 800 та фото сиғади.
Ўйлашингиз мумкин, «ким уни сотиб оларди, ҳеч кимга бундай матоҳ керак бўлмайди!», ва тўғри айтган бўласиз. Бироқ қоғоз камера чиқариш билан шуғулланаётган Papershoot компанияси мана тўрт йилдирки, (2014-йилдан буён) фаолият юритиб келади ва аҳволи ёмон эмас, ҳатто, Тайбэй шаҳри марказида турли ноодатий гаджетлар, аксессуарлар билан савдо қиладиган ўз дўкони ҳам бор.
Узук-гарнитура
“Ақлли” узуклар ишлаб чиқараётган компанияларнинг бирортаси ҳам ҳақиқий маънода керакли гаджетни ҳалигача ясай олгани йўқ, яъни иш электрон қулфларни очгич, метрога кириш nfc’ га ўхшаш қурилмалардан нарига ўтган эмас. Ниҳоят мана Orii компанияси кўргазмага суякдан узатувчи тамойилида ишлайдиган узук-гарнитурани намойиш қилишди. Қурилмани бармоқдан ўтказиб, кейин қулоқ ичига ўрнатамиз, босамиз ва қулоқнинг эшитиш йўлагини ёпамиз.
Муъжиза кейин бошланади: гапирганда атроф шовқин бўлганда ҳам эшитилади. Ишлаб чиқарувчиларнинг таъкидлашича, гаджет Siri ва Google Now жуфтлигида жуда яхши ишлайди ва овозли буйруқларни таниб олади. Фақат ён атрофдан қараганда узукдан фойдаланаётган киши кўзимизга ғалати туюлиши турган гап.
Ақлли памперс
Тайванликлар жуда амалётчи бўлади ва болаларни жондан ортиқ яхши кўради. Opro9 деб ном берилган гаджет бунга яққол мисол бўла олади. Ушбу буюмни муаллифлари гудакнинг нозик жойига, яъни таглигига маҳкамлашни маслаҳат беради. Гаджетнинг ичида бир нечта тугмачалар бор ва улар памперсни алмаштириш вақти келганини билдириб смартфонга хабар жўнатади.
Бу нима учун керак? Биринчидан, гудакнинг таги худди рекламалардагидек тоза қа қуруқ бўлади ва фойдасиз бўлган суюқлик билан узоқ вақт юрмайди, иккинчидан боланинг неча маротаба ҳожатга чиқиши ҳақида маълумот тўплайди, натижада бироз вақт ўтгандан кейин ҳожатга бориш вақтини башорат қилишни ўрганасиз ҳамда болани ҳам тагликдан аста-секин халос этиб борасиз. Ва ниҳоят, Opro9 гудакнинг ота ёки онасига бола узоққа эмаклаб кетгани ва ўзини қандай ҳис қилаётганини билиш вақти келгани ҳақда хабар жўнатишни билади. Хуллас, жуда керакли қурилма ва жуда арзон.
Кубик ўйнаётган робот
Бу робот ўтган йили ҳам намойиш этилганди. Ўшанда у кўргазма иштирокчилари билан шахмат ўйнаганди. Бу йил эса қалбсиз темир махсус майдонда кубиклардан сўз ясайдиган бўлибди.
Бу шундай интеллектуал ўйинки — роботнинг бошига учта камера ўрнатилган. Улар майдондаги объектларни кузатади, қўл-манипулятори эса, нарсани жуда аниқ ва тез келтиради.
Умуман олганда, ушбу экспонатдан кўзланган асосий мақсад, яъни олдинга сурилаётган ғоя – бу саноат манипуляторлари соҳасида тараққиёт қанчалик илгарилаб кетганини намойиш қилишдир. Айнан ушбу робот қўллар вақти келиб конвейерли ишлаб чиқаришда одамларнинг ўрнини босади, ҳатто тиббий жарроҳлик амалиётини ҳам бажарса ажаб эмас.
Ақлли санагичлар
Дунёдаги энг қадимий диннинг юқори технология билан қандай алоқаси бор бўлиши мумкин? Маълум бўлишича, бор экан. Acer компанияси буддачилар учун ақлли санагичларни ишлаб чиқармоқда. Ташқи кўринишидан у 14 та думалоқ соққалардан иборат ёғоч билакузукка ўхшайди. Ичида жойлаштирилган датчиклар айтилган соққаларнинг сонини ҳисоблайди ва маълумотларни смартфоннинг махсус иловасига жўнатади.
Acer’нинг кейинги режаси гаджетнинг имкониятларини янада ошириш. Масалан, диний дўконларда симсиз тўловларни амалга ошириш.
Қуш боқувчилари учун Bluetooth-колонка
Симсиз колонкалар шунчалик кўпайиб кетгангки, улардан яна бирорта янгилик бўлиши мумкинлигига ўзингизни ишонтира олмайсиз ҳам. Улар ташқи томондан қараганда, барчаси қарийб, бир хил. Лекин тайванликлар шуни ҳам анчайин такомиллаштиргани кўриниб турибди. Масалан: қафасда турган қуш шаклидаги bluetooth-спикер, ёруғлик чироғи билан қўш динамика.
Бироз сийқаси чиққан кўринади, лекин барибир ёқимли.
Қурилма Daqi Concept компанияси томонидан тайёрланаяпти ва қушчанинг номи JinGoo деб аталади.
Улкан-Октокоптер
Кимдир кафтга сиғадиган жажжигина ва чаққонгина дронлар ясайди, кимлардир бунинг акси улароқ, улкан суперкоптерлар билан шуғулланади. Кўргазмада улкан радиобошқарув дрон қурилмаси намойиш қилинди. Унинг айланаси иккита одамнинг бўйича келади.
Бу қурилма ўзида 50 килограмлик юкни кўтариб юра олади ва сонияда 50 метргача тезлик олади. Кўриниб турибдики, аппарат ўсимликларни чанглатиш ва ҳосилни ошириш йўлида зараркунандаларга қарши дори сапиш ишларига мўлжалланган.
