АҚШ савдо вазирлиги ZTE компаниясига қўйилган тақиқни вақтинчалик бекор қилди. Мана уч ой бўлдики, компания АҚШ бозорида ўзининг мобиль қурилмалари ва коммуникация техникаларини сота олмаётганди. Энди у аввал сотилган қурилмаларини қўллаб-қувватлаши ва смартфон учун янгиланишларни чиқариши мумкин.

ZTE'нинг АҚШ бозоридаги фаолиятига қўйилган тақиқ 1 августгача бекор қилинди, кейин нима бўлишини ҳеч ким билмайди. Ҳозирча эса компания қўллаб қувватлаш ва телекоммуникация жиҳозларини таъмирлаш ҳамда янги дастурлар ишлаб чиқиш, қолаверса  смартфонлар учун хавфсизлик патчини янгилаш мкониятини қўлга киритди.

Кўриниб турибдики, компания ҳозирча АҚШ бозорида фақат қисман фаолият кўрсатиши мумкин. ZTE  фақат ўзининг аввал сотган маҳсулотига хизмат кўрсата олади,  АҚШ  бозарига қандайдир янги маҳсулот олиб кира олмайди. Агар компания АҚШ ҳукумати билан келишув шартларига тўлиқ амал қилса, тақиқ бутунлай бекор қилиниши ҳам мумкин, деб хабар беради Bloomberg. Шундай қилиб бренд қарийб қутқариб қолинди.

ЎҚИНГ:ZTE'нинг тақдири ҳамон номаълумлигича қолмоқда: АҚШ Сенати санкцияни қайта бошлаш тарафдори

Шу йилнинг апрель ойида АҚШ компанияларининг ZTE компаниясига ўз техникаси ва технологияларини сотиши бўйича 7 йиллик тақиқ қўйилган эди. Чунки   ZTE халқаро санкцияга қарамай Эрон ва Шимолий Корея билан савдо алоқаларини давом эттирган. АҚШ ҳукумати билан Хитой ўртасида тақиқни бекор қилиш шартлари бўйича музокаралар узоқ вақт давом этди. Икки томонлама тузилган келишув шартларининг орасида катта жарима пули тўлаш ҳамда компания раҳбариятини ўзгартириш билан боғлиқ бўлимлар ҳам акс этган. Хитой  эса АҚШ учун қишлоқ хўжалиги маҳсулотларига белгиланган тарифни пасайтиришга ваъда берди.

ЎҚИНГ:Нокаутми, нокдаунми? ZTE’нинг аҳволи ҳақида

Ҳатто, президент Трамп ҳам ушбу можарога алоҳида эътибор қаратди ва ZTE’ни қутқариб қолишда шахсан иштирок этишга ваъда берди. Кўриниб турибдики, жараён ZTE учун ижобий томонга ўзгарган.