Арзон Galaxy S9"нинг видеоси тарқалди
Бир ҳафта илгари Galaxy S8 моделининг арзон талқини тақдим қилинган эди. Бу талқин нисбатан пастроқ техник жиҳатлари билан оригиналидан ажралиб туради. Samsung Galaxy S8 "Lite" модели анча арзон девайс. Galaxy S Light Luxury моделининг Хитойдаги баҳоси $625 доллар, яъни асл Galaxy S8 моделидан анча арзон. Galaxy S8 799 долларига баҳоланган эди.
Янги флагманларнинг савдосидан илҳом олган компания уларнинг содда ва арзон талқинини ҳам ишлаб чиқаришга диққат қилмоқда. Навбат Samsung Galaxy S9 флагманининг "mini" версиясига етиб келди. Хитойлик инсайдерлар бу моделнинг анча арзон бўлишини эълон қилишмоқда.
Айтиш керакки, тақдимоти кутилаётган смартфон "Samsung Galaxy S9 mini" деб номланмайди. Бу моделнинг "жуссаси" ҳам ихчам бўлади. Хитойлик манбаларнинг ёзишларича, телефон 5,8 дюймли Super AMOLED дисплей билан таъминланади. Экраннинг томонлар нисбати 18,5:9 ўлчамда бўлади.
Ўқинг: Хитойда "Арзон Galaxy S8" тақдим қилинди
Бу мобил алоқа аппарати қўш сенсорли бош камерага эга бўлади. Кеча интернет тармоғида мазкур смартфон акс этган илк видеоролик тарқалиб кетди. Видеода кўриниши Samsung бренди ҳали тақдим этмаган смартфон акс этган. Қуйида видеони ўзингиз томоша қилинг.
Тасвирдан ҳам кўриниб турибдики, Samsung Galaxy S9 mini модели чиндан мавжуд ва у тез орада тақдим қилинади. Олд панелдан ушбу модел оригиналидан экраннинг яссилиги билан ажралиб туради, яъни экран қайрилма эмас ва ёнларга эгилмаган. Бундай ёндашув смартфон таннархини 2 маротабага арзонлаштиради. Шуни ҳисобга олсак, гаджет кўпчиликни нархи билан хурсанд қилади.
Айрим нашрларнинг ёзишларича, Samsung Galaxy S9 mini смартфонида 8 ядроли Qualcomm процессори ўрнатилади, эҳтимол бу Snapdragon 660 чипи бўлиши мумкин. Шунингдек, мобил алоқа воситасида 4 гигабайтли тезкор ҳамда 64 гигабайтли доимий хотира бўлади.
Ўқинг: Топ-12: Харидоргир смартфонлар – нарх ва жиҳат
Смартфон Хитойда "Samsung Dream Lite" номи билан сотилиши мумкин. Galaxy S9 mini моделининг расмий тақдимоти яқин ойларда кутилмоқда. Маълумотларга кўра, девайс $450 доллардан сотувга чиқарилади. Яъни, оригиналидан икки баробар арзон.
