Beeline Хоразмда тармоқни кенгайтирди
Beeline алоқа оператори Unitel’нинг Ғарбий ҳудудий филиали ҳудудида 3G тармоғи ҳажми кенгайгани ҳақида хабар беради. Навбатдаги тармоқ кенгайиши натижасида Хоразм вилоятида сигнал сифати яхшиланди, деб хабар қилди Beeline.
“Урганч шаҳрида, шунингдек Урганч туманида қўшимча база станциялари ўрнатилди. Телеком-алоқа бозоридаги инновацион етакчиликни мустаҳкамлаган ҳолда, абонентларимизни ишончли ва сифатли алоқа билан таъминлаш учун мутахассисларимиз тармоқ ривожланиши ва унинг ҳажмини кенгайиши устида доимий равишда иш олиб бормоқдалар”, – деди Unitel‘нинг Ғарбий ҳудудий филиали директори Рефат Низамутдинов.
