Браузердаги инкогнито режими нимаси билан хавфли?

  •   DiMaX
  •  1814
  •  15.08.2020 17:53

Браузердаги инкогнито режими нимаси билан хавфли?

Интернет фойдаланувчилари айрим ҳолларда бирор ресурсдан аноним тарзда фойдаланиш учун браузердаги инкогнито режимини ёқиб олишади. Бироқ бу унинг анонимлигини яшира олмайди, дейишмоқда мутахассислар.

ЎҚИНГ: Турли браузерларда махфийлик режимини ёқишнинг энг оддий усули

Group-IB компанияси мутахассиси Сергей Никитиннинг таъкидлашича, инкогнито режими фақат муайян қурилма доирасидагина махфийликни таъминлаб беради.

Бундай режимда очилган браузер ойнасида интернетга кирилган сайтлар тарихи, пароллар, қидирув сўровлари ҳамда cookies-файллар сақланмайди – унинг асосий вазифаси шу. Шу боисдан ҳам жамоат жойларидаги компьютерлардан фойдаланда инкогнито режимини ёқиб ишлаган маъқул.

Лекин бундай режимда ҳам веб-сайтлар бу фойдаланувчини «кўра» олишади, дейди эксперт. Ўз шахсини махфий сақлаган ҳолда интернетда кезиш учун эса VPN сервисларидан, onion-тармоқларни қўлловчи Tor каби браузерлардан фойдаланиш керак.

ЎҚИНГ: Виртуал ҳаётингизни шифрлашнинг 7 усули

Сайтимизнинг энг чиройли расмларини Инстаграмдаги саҳифамизда томоша қилинг!