Эдвард Сноуден Twitter’да пайдо бўлди
У ҳозирча битта саҳифани кузатмоқда: @NSAGov
АҚШ хавфсизлик идораси сирларини фош қилгани билан танилган Эдвард Сноуден “Twitter” тармоғига қўшилди. Унинг @snowden номи орқали оламга тарқатган илк твити “Енди мени эшитяпсизми?” деган савол бўлди.
Can you hear me now?
— Edward Snowden (@Snowden) September 29, 2015
Сноуден ҳозирча Twitter’да фақат битта саҳифани кузатмоқда: @NSAGov. Бу АҚШ Миллий хавфсизлик агентлигининг Twitter’даги расмий саҳифаси ҳисобланади. Сноуден хорижга қочишидан олдин айнан шу идорада ишлаган ва ташкилотнинг минглаб саҳифали махфий маълумотларини ўзи билан олиб чиқиб кетган.
Сноуден ҳозир Россияда яшайди. Унга бу ерда бошпана берилган. АҚШда эса унга қарши давлатга хиёнат қилганлик айби қўйилган.
Икки соат ичида Эдвард Сноуденнинг Тwиттердаги кузатувчилари сони 250 минг кишига яқинлашган. @terabayt_uz улардан бири.