Facebook'да iPhone акс этган қадимий сурат эълон қилинди
1937 йилда яратилган, италян рассоми Умберто Романо мўйқаламига мансуб "Жаноб Пинчон ва Спрингфилд қишлоғи" номли суратда акс эттирилган ҳиндунинг қўлида смартфон аниқлангани тўғрисида Motherboard янгиликлар тармоғида маълум қилинган. Шунингдек, сурат Facebook ижтимоий тармоғида ҳам эълон қилинган.
Суратнинг ўнг томон қуйироғидаги ҳинду қабиласи вакили қўлидаги тўғри бурчакли буюмга катта қизиқиш билан тикиляпти. Унинг қарашлари бугун смартфонга муккасидан кетган одамнинг нигоҳидан фарқ қилмайди. "Эҳтимол у асирлари билан селфи тушаётгандир", дейди ижтимоий тармоқ фойдаланувчиларидан бири.
Шу боис, кўпчилик ижтимоий тармоқ фойдаланувчилари ҳазил тариқасида рассом ўшандаёқ америкалик смартфон бренди iPhone'ни башорат қилганини айтишмоқда. Аслида бу нима бўлган, деган саволига эса тахминлар турлича: кўзгу, устара ёки китоб бўлиши мумкин.
XVII аср акс этган бу тарихий суратда Американинг туб аҳолиси бўлган ҳиндулар ва манилгоҳларда жойлашиб олган инглиз зобитлари ўртасидаги уруш ҳолати гавдаланади. Бу деворий сурат айни пайтда АҚШнинг Массачусетс штатининг бошқарув биносида сақланади.
