Франция Apple‘дан тўланмай қолган солиқларни талаб қилади

Сўнгги пайтда “Олма”ни жаримага тортиш ва тўланмай қолган солиқларни тўлдиришни талаб қилиш тез-тез кузатилмоқда. Жумладан, энди Франция Apple‘дан 2011-2013 йиллар мобайнида тўланмай қолган 400 миллион еврони талаб қилишни режалаштирмоқда.

Франция солиқ департаменти америкалик гигантни даромаднинг катта қисмини Apple‘га хайрихоҳ давлатлардаги филиаллари орқали мамлакатдан чиқаришда шубҳа қилмоқда, деб ёзмоқда IXBT нашри. Apple Францияда 69 млн евро даромадни солиқ декларациясига киритганлиги ва қолган фойдани солиқ ставкаси анча кам бўлган Ирландияга ўтказганлиги бунга асосий сабаб қилиб кўрсатилмоқда. Шу билан бирга, тегишли органлар Apple‘нинг Франциядаги 2013-2015 йиллардаги фаолиятини ҳам жиддий текширишга киришганлиги маълум қилинган.