Galaxy S20 Ultra'нинг ичини очиб кўришди
Samsung ўзининг Galaxy S20 Ultra флагманининг камералари ҳақида анчайин мақтанган. Бироқ нега линзалардан иборат модул бунчалик бўртиб чиққан?
Ушбу саволга iFixit жавоб топишга ҳаракат қилди ва қурилманинг ичини очиб кўрди. Смартфон 108 мегапикселлик камерасининг ўзиёқ анчайин катта бўлиб, iPhone 11'даги 12 мегапикселлик линзалардан икки марта кўпроқ жой эгаллайди. Ён томонларга ҳаракатланувчи перископга ўхшаш зум камерага ҳам анчайин жой ажратилган.
Яна кўриш мумкинки, смартфон ичида асосий чип ва 5 000 мА/соатли аккумулятор учун жуда кам жой қолдирилган.
Қурилмани очиб кўрганингиздан сўнг, уни қайта йиға олиш эҳтимоли жуда кам. Аввало, корпусни очишдан олдин уни елимсизлантириш керак. Диспей ва аккумуляторни қайта ўз жойига қўйиш эса ўта мураккаб. Ишлаб чиқарувчилар Galaxy S20 Ultra'нинг ҳар бир миллиметридан унумли фойдаланишга ҳаракат қилган, смартфон тузатувчи усталарнинг таъмирлаш ишлари эса приоритет бўлмаган.
Агар сиз ҳам смартфон тузатувчи уста бўлсангиз, ўзингизга керакли бўлган асбоб-ускуналарни бу ердан топишингиз мумкин.
ЎҚИНГ: Galaxy S20 Ultra таннархи ҳисобланди – Samsung уни неча баравар қимматга сотяпти?
