Galaxy S23 ва Galaxy S23+ илк марта сифатли рендерларда кўрсатилди!

Galaxy S23 ва Galaxy S23+ илк марта сифатли рендерларда кўрсатилди!

Samsung ўзининг навбатдаги флагман смартфонларини тақдим қилишига ҳали бир неча ой бор. Бироқ, Galaxy S23 сериясидаги илк моделларнинг сифатли рендерлари аллақачон интернетда тарқатиб юборилди.

Ишончли маълумотчилардан бири бўлган @OnLeaks ва SmartPrix томонидан тақдим қилинаётган рендерлар бизга Galaxy S23+ дизайни билан танишиш имконини беради. Бир томондан ушбу тасвирлар Samsung смартфонлари Galaxy S21'дан бери биринчи марта дизайн ўзгаришини қабул қилаётганини тасдиқласа, яна бир томондан бу смартфонларнинг жудаям умумий кўриниши эканлигини, ёхуд сўнгги кўриниши айнан шундай бўлмаслигини айтиш мумкин.

Рендерларга кўра, Galaxy S23+ янада юмалоқланган бурчакларга эга бўлади ва ҳозирги Galaxy S22 смартфонларидан фарқли ўлароқ, янги смартфон камераларни ўз ичига оладиган оролга эга бўлмайди, аксинча, Galaxy А32, ёхуд Galaxy S22 Ultra'да бўлгани каби уларда камера бўртиб чиқиб туради. Шунингдек, учлик камералар ёнида LED чироқ жойлашганини ҳам кўришимиз мумкин.

Шунингдек, маълум қилинишича, Galaxy S23+ ўзининг аввалгиси, Galaxy S22+'дан каттароқ бўлиб, бунда янги смартфон 157.7 х 76.1 х 7.6 мм ўлчамда, яъни қалинлиги ўзгармаган ҳолда, бўйига ва энига бироз катталашган бўлади. Экрани эса 6.6 дюйм бўлиши миш-миш қилинмоқда. Қизиғи шундаки, рендерларда смартфон SIM-карта уясига эга эмаслигини ҳам кўриш мумкин. Бироқ, бу iPhone 14 смартфонларига тақлид қилинган ҳолда йўл қўйилган кичик хато бўлиши ҳам мумкин.

Galaxy S23 Plus'дан ташқари @OnLeaks Digit билан биргаликда Galaxy S23'нинг ҳам рендерларини улашган. Бошланғич модел ҳам Plus моделдек дизайнга бўлиб, у ҳам ўзининг аввалгисидан бироз каттароқ: 146.3 х 70.8 х 7.6 мм ўлчамда 6.1 дюймли экран билан чиқарилиши айтилмоқда.

Узунқулоқ хабарларига кўра, Samsung Galaxy S23 смартфонлари Qualcomm яқин ойларда тақдим қилиши кутилаётган Snapdragon 8 Gen 2 чипсети билан чиқарилиши кутилмоқда. Албатта, смартфонлар Android 13'га асосланган One UI 5 операцион тизимида ишлайди.

Samsung компанияси Galaxy S23 сериясини кейинги йил бошида, таҳминан, феврал ойида тақдим қилиши кутилмоқда.

ЎҚИНГ: Samsung Apple'дан "илҳомланмоқда"

Terabayt.uz сайтининг видеолари: Youtube'даги каналимизда!