Google Huawei nova 5T экрани 5.5" бўлишини очиқлади

Huawei nova 5T смартфони Google'нинг телефон ишлаб чиқарувчи компаниялар каталогида пайдо бўлди. У ердан кўриш мумкинки, қурилма илгари тахмин қилинганидек, Honor 20'нинг рибренд қилинган талқини эмас. nova 5T'нинг экрани кичикроқ, хотира сиғими эса каттароқ бўлади.

Каталогда смартфон экрани 5,5" қилиб кўрсатилган. Таққослаш учун, Honor'ники 6,26 дюйм эди. Тирқиш камера ҳам олиб ташланмаган, бармоқ изи сканери эса ён томонда жойлаштирилган (овоз тугмачаси ёнидаги жойнинг кесилганидан маълум).

Кейинги жиҳат хотира сиғими. nova 5Т'нинг оператив хотираси 8 ГБ, доимий хотираси эса версиясига қараб, 128 ёки 256 ГБ бўлади. Honor 20'нинг эса фақат 6ГБ/128ГБ лик талқини бўлган.

Афсуски, Google ҳозирча мана шу маълумотни тақдим қилган, холос. Орқа камера ҳақида ҳеч нима дейилмаган, орқа панель расми ҳам кўрсатилмаган. Экранда 13 август санаси кўрсатилган, бироқ бу сана ўтиб бўлди. Демак, смартфон бу санада тақдим қилиниши режалштирилмаган эди. 

ЎҚИНГ: Samsung'нинг Note 10'ини унутинг. Мана, сотиб олишга арзийдиган смартфон!