Google Maps йўллардаги тезлик лимитини кўрсатади
Google‘нинг машҳур сервисларидан бўлган Google Maps эндиликда автомобиль йўлларидаги тезлик лимитларини кўрсатади. Албатта, мазкур янгилик иловадан фойдаланадиганларнинг автомобиль йўлларидаги ҳаракатини хавфсиз этишга ёрдам беради.
Reddit фойдаланувчилари тармоққа жойлаган суратда тезлик чекловини кўрсатадиган тугма навигация экранининг қуйи чап қисмидан ўрин олганини кўриш мумкин. Мазкур функция Google‘нинг яна бир иловаси – Waze’да анча пайтдан бери мавжуд бўлган, бироқ компания эндиликда уни Google Maps‘га ҳам қўллаш мақсадида.
Шунингдек, Android Auto тизимида ҳам худди шундай функция пайдо бўлганини қайд этишган. Ушбу функция оддий иловадаги каби ишлайди, бироқ унинг интерфейсдаги ўрни бироз ўзгарган.
Аммо, шуни таъкидлаш керакки, мазкур функция ҳозирча барча мамлакатларда ҳам ишламаслиги мумкин. Бунга сабаб турли мамлакатлардаги фарқли тезлик лимитларидир. Шундай бўлса-да, бу автомобиль навигациясида жуда фойдали янгилик ҳисобланади.
