Google’нинг $150 долларлик Nik Collection сурат таҳрирлаш дастури энди бепул

Nik Collection компьютер дастури жаҳоннинг энг яхши 7 та суратни таҳрир қилиш дастурлари сирасига киради. Google томонидан ишлаб чиқилган дастуридан шу вақтга қадар 150 АҚШ доллари эвазига фойдаланиш мумкин эди. Энди мазкур дастурдан суратга тушиш ва сурат олиш ишқибозлари тамомила бепул фойдаланишлари мумкин бўлди.

Mac, Windows ҳамда Linux компьютер операцион тизимлари фойдаланувчилари Nik Collection дастурий таъминот маҳсулотининг Analog Efex Pro, Color Efex Pro, Silver Efex Pro, Viveza, HDR Efex Pro, Sharpener Pro, ва Dfine каби қўшимча дастурий модулларини юклаб олишлари мумкин.

Мазкур дастур ёрдамида суратни қўшимча ранглар билан бойитиш, қайта ишлаш, қўшимча эффектлар билан суратга безак бериш, тасвирни янада равшан қилиш, ортиқча хираликларни олиб ташлаш, суратнинг муайян қисмига зарур тус бериш ва бошқа таҳрирлашни амалга ошириш мумкин.

Компания дастурни йил бошида сотиб олган фойдаланувчиларнинг маблағларини бир неча кун ичида қайтариб беришни ваъда қилмоқда.

Қуйидаги электрон манзил орқали кириб, дастурни юклаб олишингиз мумкин. Дастур ҳажми 429 МБ.

Юклаб олинг: Google Nik Collection