Ҳаммаси iPhone XS ва iPhone XS Max’ни деб

21 сентябрдан бошлаб дунё бўйлаб Apple’нинг янги флагманлари эркин сотила бошлайди. Айни пайтда, дунёнинг турли бурчагида жойлашган АҚШ компаниясининг расмий дуконлари олдида одамлар аллақачон турнақатор бўлиб навбат олишмоқда. Зеро, янги iPhone’ни ҳаммадан олдин қўлга киритмоқчи бўлганлар ҳар доим, ҳамма жойда топилади.

Эслатиб ўтамиз, 12 сентябрда  Apple компанияси ўзининг бир йўла учта флагман смартфонини намойиш қилганди. Булар: iPhone XS ва iPhone XS Max. Улар дизайни жиҳатдан  «экс-флагман» iPhone X’ни такрорлаган бўлса-да, янгиликлари ҳам анчагина. Шунингдек, компания ўзининг iPhone XR деб номланган «бюджетли флагман»нини ҳам намойиш этди. У  LCD-экран ва битта асосий камера билан таъминланган. Ушбу аппарат  бир ойдан кейин сотувга чиқиши керак.