Ҳақиқий учар кийим яратилди! (видео)
Англиянинг Gravity Industries стартапи асосчиси Ричард Браунинг яқинда Голливуд киноларидаги суперқаҳрамон – Темир одам либосини эслатувчи ҳақиқий реактив костюмни намойиш этди.
Тўғри, бу қурилма ўша кинодаги ҳимояланган ҳарбий экзоскелет хусусиятларига эга эмас. Аммо у бемалол инсонни ердан кўтара олади. Буни қуйидаги видеода ўзингиз ҳам кўришингиз мумкин:
Аслини олганда, бу костюм олтита реактив двигатель, ёнилғи баки ва ёнилғи узатиш шлангидан иборат. Катта ёшли одам бундай костюмда ердан тахминан бир метрча кўтарилиши ва тезликни сал ошириши мумкин. Прототипнинг камчиликлари сабабли пилот ҳимояловчи кийимларни ҳам кийиб олмаса бўлмайди.
Лекин, Браунингнинг сўзларига кўра, пилот мазкур костюмга кўникиб олса, у бемалол эркин уча олади.
