HP Elite x3 – янги Windows флагман
Microsoft компанияси ўзининг фирма дўконларида янги флагман HP Elite x3 моделининг сотувларини бошлади. Windows 10 платформасида ишлайдиган гаджет док-станция билан биргаликда $799 нархида сотувга чиқарилди.
HP Elite x3 смартфони илк маротаба MWC-2016 кўргазмасида намойиш этилган эди. Смартфон чангдан ҳимояланадиган корпусга эга, USB Type-C порти, кўз ёй пардаси сканери ва бармоқ изи сканерлари билан таъминланган.
Моделга 2,15 ГГц частотада ишлайдиган Qualcomm Snapdragon 820 процессори, 4 ГБ тезкор ва 64 ГБ доимий хотира ўрнатилган. Доимий хотира сиғимини microSD-карта ёрдамида 2 ТБгача кенгайтириш мумкин. Қурилма 16 МПли асосий ва 8 МПли олд камера билан жиҳозланган.
AMOLED технологиясидаги дисплейнинг диагонали 5,96 дюймни ташкил қилади. Экран Quad HD аниқлигида ишланган. Флагман Windows смартфонлар мухлисларига маъқул келиши аниқ.
